Риҵатәи ареликттә парк жәа-нызқьҩык рҟынӡа атуристцәа аҭаахьеит

© Sputnik / Томас ТхайцукРицинский реликтовый национальный парк в Абхазии
Рицинский реликтовый национальный парк в Абхазии - Sputnik Аҧсны
Анапаҵаҩра
НовостиTelegram
Риҵатәи ареликттә милаҭтә парк атуристцәа раҭааразы иаадыртит ԥшьымзтәи аԥкырақәа рышьҭахь.

АҞӘА, нанҳәа 6 – Sputnik. Риҵатәи ареликттә парк жәа-нызқьҩык рҟынӡа атуристцәа аҭааит Аԥсни Урыстәылеи рҳәаа анаадырт ашьҭахь ҳәа иҳәеит Sputnik аинтервиу азҭаз апарк адиректор Адамур Багаҭелиа.

Нанҳәа 2 рзы апарк иаҭааит  зқьи хәышәҩык рҟынӡа, нанҳәа  3 рзы–2800-ҩык, нанҳәа 4 рзы – 3900-ҩык. Нанҳәа 5 асааҭ  14 рзы уахь ихалеит 2700-ҩык атуристцәа.

Адамур Багателия - Sputnik Аҧсны
Арадио
Багаҭелиа: Риҵа аԥсшьаҩы даныҟамла, апарки уи аусзуҩцәеи рныҟәгара азҵаара уадаҩхоит

Аиҳараҩык автобусқәа рыла уахь ихалоит.

"Атуристцәа рхыԥхьаӡара еиҳа-еиҳа еиҳахоит. Ҳгәыӷуеит ԥхьаҟагьы ус иҟалап ҳәа. Иахьазы аҭаара адинамика бзиоуп. Ҳаргьы иҳалшо ала  рыдкыларазы аусурақәа мҩаԥаагоит. Амҩақәа рҭыԥ иқәаҳҵоит, аҵламахәқәа ԥаҳаҟҟоит", - ҳәа иҳәоит Багаҭелиа.

Аӡиа Риҵаҟны амедицинатә пункт аартуп, уа иахәҭоу ахәшәқәа зегьы ыҟоуп ҳәа иҳәеит иара.

Апарк аҵакыраҿы акрыфарачаратә обиектқәа раартра иалагеит. Апарк анапхгара анаплакыҩцәа ареспублика амедицинатә напхгара рабжьгарақәа  ирықәныҟәарц рарҳәоит.

Уаанӡа арадио Sputnik аинтервиу аҭо Адамур Багаҭелиа иазгәеиҭахьан атуристтә сезон аҟамзаара иахҟьаны апарк аусзуҩцәа рашәареи ԥхынгәи амзақәа рзы рулафахәы рмоуит ҳәа. Уажәшьҭа уи аҭагылазаашьа риашахоит.

Риҵатәи ареликттә парк ахь анеиразы адуцәа рзы абилеҭ 350 мааҭ иаԥсоуп, ахәыҷқәа рзы  - шә-мааҭк.

Аурыс-аԥсуа ҳәаа аартын нанҳәа 1 азы.

Иара убас шәаԥхьар ҟалоит:

Ажәабжьқәа зегьы
0