АҞӘА, нанҳәа 12 - Sputnik. Аԥсны ихыркәшахеит Аԥсны иҟоу Урыстәыла Аладатәи арратә округ амотохысцәа-аррамаҵзурауаа рҽазыҟаҵарақәа ҳәа аанацҳауеит Аладатәи арратә округ апресс-маҵзура.
Аҽазыҟаҵарақәа мҩаԥган аполигонқәа Ҵабали Нагвалоуи.
"Аҽазыҟаҵаратә уснагӡатәқәа рфиналтә етапны иҟалеит акәылӡытранспортиорқәа БТР-82А, анапылатә гранатаршәгақәа РПГ-7, апулемиотқәа "Печенег", автоматқәа АК-74 назлоу аштаттә абџьари арратә техникаҟынтәи ахысрақәа рымҩаԥгара" ҳәа аҳәоит адырраҭараҿы.
Амотохысцәа разыҟаҵараан ицәҟьаран ишьан аршьаҟауааи атехникеи реиԥш зеиԥшу ашьақәгылақәа. Ахысрақәа раан ахархәара рызун шә-нызқь рҟынӡа еиуеиԥшым акалибр змоу аџьаԥҳаны.
Амотохысцәа разырхиара апрограмма иаҵанакуан 50% уахынлатәи ахысрақәа. Иара убасгьы аруаа аныҟәаратә, атактикатә, анџьныртә нормативқәа нарыгӡон.
"Ҿыц арахь инеиз аруаа азанааҭтә дыррақәа роуит еиуеиԥшым аҭыԥқәа рҿы, рнапахьы иааргеит арратә техника, ишҳамыркыз аҭыԥқәа ирхысит ахыхьчага маҭәа рышәҵаны", - ҳәа аҳәоит адырраҭараҿы.
Ахархәара рыҭан 400 ак арратә техника – КамАЗ "Мустанг", БТР-80 рҩызцәа назлаз.
Иара убас шәаԥхьар ҟалоит:
- Волгоград инаркны Аԥснынӡа: 50 командаҟаҵаратә пункт аартуп аҽазыҟаҵарақәа рҳәаа иҭагӡаны
-
Аладатәи арратә округ аруаа аԥырҩы дызҭам аԥрыгақәа реихсра мҩаԥыргон
