Ареитингтә еиндаҭлара: Игор Адлеиба Екатеринбург дықәгылараны дыҟоуп

© Foto / RCC BOXING Игорь Адлейба
Игорь Адлейба - Sputnik Аҧсны
Анапаҵаҩра
Атитул агаразы аиндаҭлара мҩаԥгахоит Екатеринбург, ақәгылара ишиашо ицо аефир ала иддырбоит ателеканалқәа "Бокс ТВ", "Матч Боец".

АҞӘА, нанҳәа 15- Sputnik. Аҿар рыбжьара адунеи ачемпион Игор Адлеиба нанҳәа 22 рзы Екатеринбург, WBO аверсиала атурнир RCC Boxing Promotions аҟны дықәгылоит, диндаҭлоит урыстәылатәи аспортсмен Кантемир Калажоков.

Тренировка боксеров на набережной - Sputnik Аҧсны
Аԥсуа боксиорцәа злахәыз атурнир Шәачантәи Казанҟа ииаргеит акоронавирус иахырҟьаны

"Раԥхьаӡакәны аиндаҭлара Аԥсны сҽазыҟасҵоит. Москваҟа сцеит, аха сазыҟаҵаҩ акоронавирус иман аҟнытә, сгьежьны саар акәхеит. Аҽазыҟаҵарақәа ара ирыцысҵоит", - иҳәеит Игор Адлеиба.

Аԥсуа боксиор изы ари аиндаҭлара жәеизатәиуп.

"Уажәтәи аиндаҭлара ашьҭахь атитул агаразы сықәгылараны сыҟоуп. Хәымз ҵуеит акарантин ҳәа аҩны сыҟоуижьҭеи, уи аҟнытә зыҩаӡара ҳараку аиндаҭлара иаразнак амҩаԥгара уадаҩуп", - иазгәеиҭеит аспортсмен.

24 шықәса зхыҵуа Кантемир Калажоков аиндаҭларақәа фба мҩаԥигахьеит, урҭ рахьтә ҩынтә аиааира игеит.

Игор Адлеиба хышықәсоуп аӡәгьы дизымиааиижьҭеи, акапанбжьара иаҵанакуа урыстәылатәи абоксиорцәа рреитинг аҿы 15-тәи аҭыԥ никылоит.

Игор Адлеиба –WBO аверсиала аҿар рыбжьара адунеи дачемпионуп, кикбоксинг (фул контакт) азы адунеи Ахраҿа ианашьоуп, ареспублика аспорт азҟаза, Урыстәыла аспорт азҟазарахь акандидат.

Иара убас шәаԥхьар ҟалоит:

Ажәабжьқәа зегьы
0