АҞӘА, цәыббра 3 – Sputnik. Аԥсны ААР атәылауаҩшәҟәытә Усбарҭа аиҳабы ихаҭыԥуаҩ дызлахәны аԥсуа тәылауаҩшәҟәқәа закәаншьаҭада ршаразы имҩаԥыргоз аусҭҵаара Гәдоуҭатәи араионтә ӡбарҭахь инашьҭуп ҳәа аанацҳауеит Аԥсны Апрокуратура хада.
Уаанӡа, заанаҵтәи аусҭҵаарала ари аус иалахәуп ҳәа ишьоуп амилициа аполковник Вадим Кәаӡба, Фатима Џьениа, Лолита Ҳалуашь, Гәрам Кәыҵниа.
Гәрам Кәыҵниа 2020 шықәса лаҵарамза аахыс иԥшаара иаҿын. Нанҳәа 14 рзы даанкылоуп ҳәа аанацҳауеит Апрокуратура хада.
"Ашьаус егьырҭ алахәылацәа атәыла ишалымҵуазы ашәҟәқәа рнапы рыҵарҩит. Абрахь даҵаркуп Кәаӡба, уи иганахь ала Аҟәатәи ақалақьтә ӡбарҭа иаанкылара аҿҳәара ацҵара мап ацәнакит", - ҳәа аҳәоит адырраҭараҿы.
Аусҭҵаара агәаанагарала арҭ ауаа еилацәажәаны Аԥсны атәылауаҩшәҟәы 10 нызқь доллар ҳәа иаадырхәеит Украина атәылауаҩ Олег Мыльцев. Иара ԥхынҷкәын 9 2019 шықәса рзы атәылауаҩшәҟәы Аԥсны аҳәаа ахысраан ихы иаирхәеит.
Аԥсны атәылауаҩшәҟә ҿыцқәа Аԥсны атәылауаа рыҭара хацыркын 2016 шықәса рзы. Атәылауаҩшәҟәқәа ҳаамҭа иақәшәо ахьчаратә ҟазшьа рымоуп, жәларбжьаратәи астандартқәа ирықәшәоит.
Иара убас шәаԥхьар ҟалоит:
-
Аԥсны ААР апаспорттә усбарҭа аиҳабы ихаҭыԥуаҩ даанкылоуп
