АҞӘА, цәыббра 15 – Sputnik. Аҟәа, цәыббра 13 рзы акоронавирус змаз аԥҳәыс лыԥсҭазаара далҵит ҳәа аанацҳауеит ауааԥсыра COVID-19 рацәыхьчаразы аоперштаб.
Апациентка 84 шықәса лхыҵуан, аҩны лхы лхәышәтәуан рҳәеит аштаб аҿы.
"Аҩныҟа инеиз ацхыраара ласы абригада лшьаҿы аҵәыҵәри 55-60 процент шакәыз азгәарҭеит, аҳауа лызхомызт. Оперативла имҩаԥгаз оксигенотерапиа аҵәыҵәри 72-78 процент ханагалеит, аха ахәышәтәырҭахь амҩа данықәыргала лгәы аангыланы лыԥсҭазаара далҵит. Ареанимациатә уснагӡатәқәа хра рмоуит", - аҳәоит аштаб адырраҭараҿы.
Ари Аԥсны аҵакыраҿы акоронавирустә инфекциа иахҟьаз абыжьбатәи ԥсыҭбароуп. Иахьазы авирус рыдбалоуп– 674-ҩык.
Акоронавирус иазку ажәабжьқәа шәрыԥхьар ҟалоит абра>>
