АҞӘА, цәыббра 18 – Sputnik. Аԥсны аҵакыраҿы зыҭира ҟамло аԥсихотроптә маҭәашьар лыдбалан Гагра араион Цандрыԥшь аҳаблан инхо аԥҳәыс ҳәа аанацҳауеит Аԥсны ААР апресс-маҵзура.
""Алирика" 28 капсула аԥҳәыс лшәыраҿ иҭан. Иара лыдбалан агәаҭара данахысуаз", - аҳәоит адырраҭараҿы.
Апресс-маҵзураҿы ишазгәарҭаз ала, Римма Павлова 1973 шықәса рзы ииз, аҳазалхратә ҭыԥ "Ԥсоу" данахысуаз даанкылан.
"Иарбоу ахаҿы идырны закәаншьаҭада аҭиразы иаахәаны иаалгон закәаншьаҭада Аԥсныҟа залагалара ҟамло аԥсихотроптә маҭәашьар", - ҳәа азгәарҭеит Аԥсны ААР аҿы.
Аусҭҵаара мҩаԥнагоит Аԥсны ААР атранспорт аҟны аҩнуҵҟатәи аусқәа русбарҭа.
Иара убас шәаԥхьар ҟалоит:
- Гәылрыԥшь араион ауаҩԥсы аметадон иҭиуеит ҳәа даанкылоуп
-
Аметадон аҳәаа иахызгоз Аԥсны атәылауаҩ даанкылоуп
