АҞӘА, жьҭаара 7 – Sputnik, Асмаҭ Ҵәыџьԥҳа. Аԥсны иахьаҵанакуа ихымԥадатәиу амедицинатә полисқәа рыҭара иалагазар аахыс иахьанӡа Аԥсны инхо 50027-ҩык ауааԥсыра ироухьеит ҳәа Sputnik иазеиҭалҳәеит Агәабзиарахьчара аминистр ихаҭыԥуаҩ Алиса Арӡынԥҳа.
"Арҭ ауаа рҟынтәи иҟоуп здокументқәа зымгац. Дара иагьмаҷым. Иҟалап ианырҭахыз аамҭазы аполис аҟаҵара иалагазар, нас агара иашьҭамлазар. Ишакәызаалак ҳара урҭ адырра раҳҭоит" ҳәа лҳәеит лара.
Арӡынԥҳа иазгәалҭеит ОМС аҭара шаанкылам, дарбанзаалак ишилшо аминистрра дадҵааланы ацхыраара аиура.
ОМС аполис аиура ҟалоит Аԥсни Урыстәылеи ртәылауаҩра умазар.
Уи азы адокументқәа рыдыркылоит Аҟәатәи ақалақьтә поликлиникаҿ, Ареспубликатә хәышәтәырҭа хадаҿы. Аполис аиура хәыда-ԥсадоуп.
2017 шықәса рзы Аԥсны Агәабзиарахьчара аминистри Урыстәыла Агәабзиарахьчара аминистри рнапы аҵарҩит "Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа рыԥгаԥса аиҿкаареи, ихымԥадатәиу Урыстәылатәи Афедерациа амедицинатә ԥгаԥсеи, Урыстәылатәи Афедерациа амедицинатә еиҿкаарақәа рҿы урҭ амедицинатә цхыраара рыҭареи ирызку аусеицуразы" Аиқәшаҳаҭра.
Иара убас шәаԥхьар ҟалоит:
-
Аԥсни Краснодартәи атәылаҿацәи аԥгаԥсатә цхырааразы аиқәшаҳаҭра рнапы аҵарҩит
