АҞӘА, ԥхынҷкәын 5-Sputnik. Аслан Бжьаниа лиубилеи лыдиныҳәалеит Аԥсны Жәлар рартистка, Урыстәыла зҽаԥсазтәыз артистка, "Ахьӡ-аԥша" аорден аҩбатәи аҩаӡара занашьоу Алиса Гыцԥҳа.
"Гәыкала ишәыдысныҳәалоит шәиубилеи. Шәҟазара иабзоураны шәара ишәырҳаит аклассикатә музыка пату ззақәу рыбзиабара. Акыр шықәса инеиԥанкыланы урыстәыла амузыкатә театрқәа иреиӷьу ируаку "Геликон-опера" шәыбжьы ықәыҩуеит. Аԥсны шәыла иҽхәоит, шәеихьӡарақәа ҳреигәырӷьоит", - аҳәоит адныҳәалараҿы.
Аслан Бжьаниа аоператә шәаҳәаҩы илзеиӷьеишьеит агәабзиара, аҭынчра, арҿиаратә гәазыҳәара.
Алиса Гыцԥҳа аҟазарахь илымоу агәыбылра шьҭрала иаауеит ҳәа илыԥхьаӡоит. Лара диит Аԥсны Жәлар артист, актиор Шьалуа Гыцба иҭаацәараҿы, ԥхынҷкәын 5, 1970 шықәсазы.
Иара убас шәаԥхьар ҟалоит:
- Геликон зыҩнаҭахаз: Аԥсны Жәлар рартистка Алиса Гыцԥҳа лымшира азгәалҭоит
