АҞӘА, ԥхынҷкәын 7 - Sputnik. Урыстәыла COVID-19 хҭысқәа иреиҳаӡоу ахыԥхьаӡарахь анеира иаҿуп ҳәа агәаанагара рымоуп Санкт-Петербургтәи аҳәынҭуниверситет аинтеллектуалтә логистика Ацентр аҵарауаа. Абри атәы аҩуеит "Известия".
Ари аҩыза атенденциа 7-10 мшы ицар, ачымазара алаҟәра иалагоит ҳәа азырыԥхьаӡоит аҵарауаа.
Бжьаратәла ԥхынҷкәын 22 инаркны ачымазара аҽарԥсыҽроуп. Абри амш азы аҵарауаа ргәаанагарала аамҭакала ичмазаҩу рхыԥхьаӡара 514-517 нызқьҩык инаӡоит. Ԥхынҷкәын 6 азтәи арбага 479 000 пациент ыҟан.
Москва ачымазара хыхьтәи аҩаӡара иазкылсуеит ҳәа ишьоуп ԥхынҷкәын 10-12 рзы, аамҭакала ичмазцәахар рылшоит 149-151 нызқьҩык, Санкт-Петербург — ԥхынҷкәын 15-16 рзы, аамҭакала ичмазцәахар рылшоит 64-65 нызқьҩык.
Уаанӡа Роспотребнадзор аепидемиологиатә центр аҭҵаарадырратә усуразы адиректор ихаҭыԥуаҩ Александр Горелов иҳәахьан урыстәылатәи арегионқәа рҿы еиуеиԥшымкәа ачымазаратә қәцәа иҟалараны иҟоуп ҳәа. Аҭышәынтәалара алацәажәара алшоны иԥхьаӡеит аа-мшы рыҩнуҵҟа уахыки-ҽнактәи арбагақәа рҽеиҭарымкыр, аҿкра алаҵәара аиндекс акы еиҳамхар.
- Акоронавирус иазку ажәабжьқәа шәрыԥхьар ҟалоит абра>>
