"Амшынеиқәафымцамч" Аҟәа алашара аамҭа-аамҭала арцәара аграфик азышьақәыргылаӡом

© Sputnik / Томас ТхайцукРемонтно-восстановительные работы на подстанции "Сухум-1"
Ремонтно-восстановительные работы на подстанции Сухум-1 - Sputnik Аҧсны
Анапаҵаҩра
НовостиTelegram
Ашәахьа ԥхынҷкәын 7 рзы "Амшынеиқәафымцамч" адиректор хада Михаил Логәуа абрифинг аҟны аҳәамҭа ҟаиҵахьан Аҟәа алашара аамҭа-аамҭала арцәара хазы игоу аграфик шьақәдыргылоит ҳәа.

АҞӘА, ԥхынҷкәын 7 - Sputnik. Аҟәа алашара аамҭа-аамҭала арцәаразы хазы игоу аграфик ашьақәыргылара залыршахом ҳәа аанацҳауеит АУН "Амшынеиқәафымцамч" Facebook аҿтәи адаҟьаҿы.

"Авариатә режим ала аус зуа астанциа маҷ "Аҟәа - 1" аҿи астанциа маҷ "Аҟәа - 2" аҿи амчратә трансформаторқәа ирықәу аидара рацәамхарц азы, урҭ ирыдҳәалоу ахархәаҩцәа рахь афымцалашара анашьҭра аамҭа-аамҭала иԥкхоит иаҭахны ианыҟалалакгьы", - ҳәа аанацҳауеит адырраҭара.

Иазгәаҭоуп анаплакы излалшо ала изакәанымкәа афымцацаҳәа зыҽзаԥызшьуа ахархәаҩцәа раарԥшра ишаҿу. Урҭ ишақәнагоу еиԥш иахьырхәхоит рҳәеит "Амшынеиқәафымцамч" аҿы.

Астанциа маҷ "Аҟәа - 1" аҿы амцакра ҟалеит ԥхынҷкәын 5 ашьыжь, асааҭ 5:20 рзы. Абри иахҟьаны Аҟәа ақалақь агәи, мраҭашәаратәи ахәҭеи, Иашҭхәа ақыҭеи лашарада иаанхеит.

Амца ахы ыҵнахит 33-тәи афидер (аихшарҭатә цәаҳәа – аз..) "Иашҭхәа " аҿы. Амцакра иахҟьаны иблит 16 фидер, асекциатәқәа ҩбеи алагалатәиқәа ԥшьбеи. Авариа ахьыҟалаз инашьҭын АУН "Амшынеиқәафымцамч" амчқәа зегьы, араионтә филиалқәа русуҩцәагьы налаҵаны.

Машина скорой помощи  - Sputnik Аҧсны
Аҟәатәи астанциа маҷ аҿы амашәыр аан ааха зауз Краснодарҟа днаргеит

Уи аҽныҵәҟьа аенергетикцәа аамҭалатәи ахархәагақәа рмонтаж иалагеит, аусурақәа рымҩаԥгара алыршаразы.

Иҟоу ауадаҩрақәа ҳасаб рзуны, аиҭашьақәыргыларатә усурақәа зегьы 2-3- мчыбжьы ишадхало атәы ҳәан. Абри аамҭазы алашара ауааԥсыра ирзынашьҭхалоит авариатә схемала.

Ԥхынҷкәын 5 рзы Аҟәатәи афымцеихшарҭатә усбарҭа аиҳабы Ҭемыр Џьынџьал иҳәеит Ажәытә ҳаблаҿ, аҿкрачымазаратә хәышәтәырҭаҿ, ачазауад аҿы афымца роуа ишыҟаҵаз. Sputnik акорреспондент даниҿцәажәоз иара иҳәеит дшақәгәыӷуа ԥхынҷкәын 6 рзы егьырҭ Аҟәа араионқәа рахь алашара анеира алшартә иҟалап ҳәа.

Иара убас шәаԥхьар ҟалоит:

Ажәабжьқәа зегьы
0