Краснодартәи атәылаҿацә аҿы акурортқәа русура иацырҵоит, аобсерваторқәагьы аадыртуеит

© Sputnik / Артур Лебедев / Амедиаҵәахырҭахь аиасраГорнолыжный курорт "Роза Хутор" в Сочи
Горнолыжный курорт Роза Хутор в Сочи - Sputnik Аҧсны
Анапаҵаҩра
НовостиTelegram
Ажьырныҳәа 1-10 рзы Краснодатәи атәылаҿацә аҿы 400 000-ҩык рҟынӡа атуристцәа ирзыԥшуп. Дара ПЦР-тестқәа рыҭара руалӡам.

АҞӘА, ԥхынҷкәын 14 - Sputnik. Арегион зегьы, ма Гәбаадәы аркра аҭахны ишыҟамгьы атәылаҿацә аҿы еиҭахгьы аобсерваторқәа аадыртуеит ҳәа аҳәамҭа ҟаиҵеит Краснодартәи атәылаҿацә агубернатор Вениамин Кондратьев, Life News аинтервиу аҭо.

Пляжный отдых в Сочи - Sputnik Аҧсны
Сынтәа Шәача 4,6 миллионҩык атуристцәа рыԥсы ршьеит

Убри аан Кондратьев асасцәа рахь аҳәара ҟаиҵоит Роспотребнадзор аҭахрақәа ирықәныҟәаларц, иагьазгәеиҭоит арегион атәылаҿ коронавирусхҭысқәа рыҟазааразы 27-28-тәи аҭыԥ шааннакыло.

Атуристцәа авирус азы ПЦР-тестқәа шарымҭогьы, аобсерваторқәа аусура иалагоит. Уахь инарышьҭлоит ашоура змоуи COVID-19 аҟазшьақәа змоуи.

"Ҳаԥхьаҟа ашәҩатә сезон шьҭоуп. Уи аиҵаҟьара ҳҭахым. Ҳара ҳекономика еиӷьаҳтәуеит, ауаа ракәзар - рыԥсы ршьоит. Зегь раасҭа имариоу аркроуп. Аха апутиовкақәа згахьоу, аԥсшьара зҽазыҟазҵахьоу рыцҳауп. Еиҳа еиӷьуп аепидемиатә ҭагылазаашьа шыҟоу аанхаразы иахәҭоу аусурақәа мҩаԥгазар", - ҳәа иҳәоит агубернатор.

Кондратьев иажәақәа рыла, атәылаҿацә азыхиоуп 400 нызқьҩык атуристцәа рыдкылара, убри аан аԥсшьаҩцәа ршәарҭадаразы ауснагӡатә цҵақәа рымҩаԥгара.

Арегион аҿы, Гәбаадәаҿы амассатә ныҳәамҩаԥгара азгәаҭоуп, аресторанқәа русура аҵх агәанынӡа иалыршахоит.

Иара иҳәеит атәылаҿацә аҿы ԥхынҷкәын 31 ԥсшьарамшны ишыҟарымҵо, аха аусуратә мшы шдыркьаҿуа.

Иара убас шәаԥхьар ҟалоит:

 

Ажәабжьқәа зегьы
0