Аолимпиада иалахәын Аҟәа ақалақь абжьаратә школқәа 11-тәи акласс аҵаҩцәа ааҩык. Аицлабра мҩаԥысуан - аматематикеи, аинформатикеи, ахимиеи, афизикеи рмаҭәарқәа рыла.
"Аолимпида аханатә ихацыркын Москва, иара иалахәуп адунеи зегьы аҟнытә ахәыҷкәа. Зыҩаӡара ҳараку ҳәа иԥхьаӡоуп ари аолимпиада. Сынтәа, Москвеи Аҟәеи реизыҟазаашьақәа рырҿиара иабзоураны иалыршахеит аԥсуа школхәыҷқәа рдыррақәа ԥыршәарц. Аолимпиадахь инеиаанӡа ақалақь аметодистцәа ашколхәыҷқәа хымш иазыҟарҵон. Ашкол ахь рымныҟәара атәы аҭагылазашьа уахәаԥшуазар, ахәыҷқәа ибзианы рхы аадырԥшит. Ари зеиԥш аолимпиадан, ахәыҷқәа еиҿцәажәаны, аимак-аиҿак ҟаҵаны аҭак ҟарҵар ҟалон азы, иубон адырра шрымаз, атемақәа шырдыруаз", - ҳәа еиҭалҳәеит Арышԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
