АҞӘА, ԥхынҷкәын 27-Sputnik. Аԥсны АҶА асапиорцәа еиҵырхит Алашарбага аҳаблан иԥшааз акәалӡԥҽыга–агранатаршәгақәа фба, абри атәы аанацҳауеит апресс-маҵзура.
Адырра анроу ашьҭахь аҭыԥахь инеит АҶА апиротехника аҟәша аусзуҩцәа.
Ишеилкаахаз ала, иԥшааз напылатәи акәалӡԥҽыга–агранатаршәга РПГ-7 ахысгақәа ракәын.
Аԥсны АҶА асапиорцәа еиҵырхит акәалӡԥҽыга–агранатаршәга, Аҟәа иԥшааз
© Foto / МЧС Абхазии
Аԥны АҶА аҳәара ҟарҵоит ауааԥсыра рахь агәҽанызаара рымазарц, атәыла еиуеиԥшым аҭыԥқәа рҿы иахьагьы ана-ара ирбоит ашәарҭара зҵоу, иԥымжәац акәалӡԥҽыга хыи аминақәеи. Ашәарҭара зцу амаҭәарқәа аныԥшаакалак иаразнак иастәуп абарҭ аҭелқәа рыла: 01, 001, 911, 112.
