АҞӘА, ԥхынҷкәын 27-Sputnk. Аԥснытәи абоксиор Баҭал Ҷежьиа диаиааит аспортсмен Роман Клемешов Тамбов имҩаԥысуаз абокс ахәылԥаз аҟны.
Аԥсуа боксиор актәи араунд инаркны имчқәа аарԥшит, иааиԥмырҟьаӡакәа ус иҟан аа-раундк ицоз аиндаҭлара.
Баҭал Чежьиа ииааира иабзоураны адунеитәии урыстәылатәии абоксиорцәа рреитинг аҿы даҽа шьаҿак ԥхьаҟа иҟаиҵоит.
Аԥснытәи абоксиор Баҭал Ҷежьиа адунеитә реитинг аҿы 183-тәи апозициаҿ дыҟоуп, Урыстәыла иреиӷьу жәаҩаҩык дрылахәуп. Иахьазы 13-тәи иқәгыларақәа рҟынтәи жәантә иааирала ихиркәшахьеит, знык даҵахахьеит, ҩынтә еиҭахарала.
Ажурнал "Про Бокс" аверсиала ИАРи аславиан тәылақәеи дырчемпионуп.
Иара убас шәаԥхьар ҟалоит:
- Аиааира, аҵахара, аиҭахара: аԥсуа спортсменцәа абокс ахәылԥазқәа рҿы ишықәгылаз
