АҞӘА, ԥхынҷкәын 30 - Sputnik. Урыстәылатәи алаҵақәа "Спутник V" (Гамалеиа ихьӡ зху НИЦЕМ), "ЭпиВакКорон" (ацентр "Вектор") шеиԥшымгьы рыҩбагьы шьахәуп ҳәа лҳәеит РИА Новости аинтервиу азҭаз аԥыза-министр ихаҭыԥуаҩ Татиана Голикова.
"Спутник" еиҳа иреактогенуп, новосибирсктәи еиҳа ивектортәуп, аха убри аан рыҩбагьы узыцәшәаша хылҿиаак ҟарҵом. Дара рыҩба зынӡа еиԥшӡам. Руак вектортәуп, аденовирус шьаҭас иамоуп, егьи – пептидтәуп, акоронавирустә геномқәа шьаҭас иамоуп",- лҳәоит Голикова.
Аԥыза-министр ихаҭыԥуаҩ лажәақәа рыла, алаҵақәа рыҩбагьы рхы бзианы иаадырԥшуеит.
"Спутник V" Аԥсныҟа иааргараны иҟоуп 2021 шықәса ажьырныҳәа анҵәамҭазы ҳәа иҳәеит ателеканал RT аинтервиу анеиҭоз Аслан Бжьаниа.
2020 шықәса цәыббрамзазы Аԥсны азыҳәа ҟанаҵеит 20 000 доза алаҵа Аԥсныҟа аашьҭразы.
Иара убас шәаԥхьар ҟалоит:
- Урыстәыла агәабзиарахьчара аминистрра 60 шықәса ирҭысхьоу рзы алаҵаҟаҵаразы азин ҟанаҵоит
