Аҟәа, Ахақәиҭра ашҭаҿы аҵаақәышьқьырырҭа ажьырныҳәа 8 рҟынӡа иҟазаауеит

© Sputnik / Томас ТхайцукНовогодний каток на площади свободы
Новогодний каток на площади свободы - Sputnik Аҧсны
Анапаҵаҩра
НовостиTelegram
Ԥхынҷкәын 28 рзы Аҟәа, Ахақәиҭра ашҭаҿы аҵаақәышьқьырырҭа аадыртит.

АҞӘА, ԥхынҷкәын 31- Sputnik. Аҟәа, Ахақәиҭра ашҭаҿы аҵаақәышьқьырырҭа ажьырныҳәа 8 рҟынӡа иҟазаауеит, аус аулоит есыҽны асааҭ 11:00 - 21:00 рзы ҳәа аанацҳауеит ақалақь ахадара асаит.

Новогоднее настроение в г. Сухум - Sputnik Аҧсны
Аныҳәатә гәалаҟазаара: Ашықәс ҿыц азы Аԥсны аҳҭнықалақь шдырԥшӡаз

"Аҵаақәышьқьырырҭа ԥхынҷкәын 27 рзы идыргылеит, аха аусура иалагеит ԥхынҷкәын 28 рзы. Ахәыҷқәа аҩны иҩнаханы иҟоуп. Аныҳәатә гәалаҟазаара рызцәырнагап ҳәа иаҳхәыцыз акоуп", - лҳәеит ахадара аҿари аспорти рзы Адепартамент аиҳабы Ельза Ҳагԥҳа.

Аҵаақәшьқьырырҭа ахышәаҵышәа 400 метр ԥшьыркца шыҟоугьы ара аамҭакала 50-ҩык рыҟазаара алшоит, аха уажәы иҟоу аепидемиологиатә ҭагылазаашьа иаҿырԥшны 25-ҩык иреиҳамкәа инарышьҭуеит. Аиҿкааҩцәа асанитар-епидемиологиатә нормақәа ирықәныҟәуеит.

"Аҩналарҭаҿы асабрадақәа ршоит, арзҩыдагақәеи ашоурашәагақәеи ықәгылоуп. Ҳара аԥкырақәа зегьы ҳрықәныҟәоит. Агәаран аҿы игылоугьы зегьы асабрадақәа рҿоуп. Измам ҳара ирзаҳшоит",- лҳәеит лара.

Аҵаақәшьқьрырҭа 20х20 метра иҟоуп аурие аҭбаареи. Ахәԥса х-миллионки бжаки итәоит.

Ажәабжьқәа зегьы
0