АҞӘА, ажьырныҳәа 3-Sputnik. Ашықәс ҿыц раԥхьатәи амшқәа рзы Риҵатәи амилаҭтә ҳәырԥсарра иаҭааит ҩ-нызқьҩык инареиҳаны атуристцәа, абри атәы иҳәеит апарк адиректор Адамыр Багаҭелиа.
"Иахьа аҳәырԥсарра иаҭааит ҩ-нызқьҩык инареиҳаны, ажьырныҳәа аказы 500-ҩык рҟынӡа. Аӡынразы арҭ арбагақәа бзиоуп. Еиҿҳарԥшуазар, аԥхынразы нанҳәа-цәыббрамзазы ҽнак апарк иаҭаауеит хә-нызқьҩык. Ашықәс ҿыц раԥхьатәи амшқәа рзы ҩ-нызқьҩык - хыԥхьаӡара бзиоуп", - иҳәеит Баӷателиа.
Багаҭелиа иҳәеит аԥсшьаҩцәа аԥшырҭатә ҭыԥ ишаҭаауа, уаҟа аӡынтәи Риҵа ибзианы иубоит ҳәа. Аԥшырҭатә ҭыԥ аҟны аԥсаӡ ҩычаны иргылоуп.
Багаҭелиа иазгәеиҭеит, уажәы Ауадҳареи Сталин иҩнахьи анеира шыҟамло.
2020-тәи ашықәс азы аныҳәамшқәа раан Риҵатәи апарк иаҭааит ф-нызқьҩык инареиҳаны аԥсшьаҩцәа, уи 2019 шықәсазтәи арбагақәа иреиҳахеит 56% рыла.
