Амҷыԥҳа: апандемиа аамҭа ибзианы иаҳнарҵеит аинтернет ахархәарала аусура
"Иаҳхысыз ашықәс азы ҳусура ишахәҭоу еиԥш ганрацәала амҩаԥгаразы аԥықәсларақәа рацәаны иаман, убри аҟынтә излаҳалшоз ала аус наҳагӡон. Ашықәс алагамҭаз иаҳа интенсивла аус ҳуан ҳҳәар алшоит, аконференциақәа, адиаспореи ҳареи ҳаиԥылара мҩаԥысит. Урыстәыла ацҳаражәҳәарҭаҟны иҟаз Ашықәсҿыцазтәи адкылара ҳалахәын, иара убасгьы ҳрылахәын Германиа имҩаԥырго жәларбжьаратәи аконференциа дуқәа, аныҳәатә усмҩаԥгатәқәа, Аԥсны иазку атематикала алекциақәа, апрезентациақәа мҩаԥган. Аԥсны аӡбахә иаҳа ираҳартә, ирылаҵәартә алшара ҳауит абизнес, аполитика, акультура знапы алаку ауаа рыбжьара", - лҳәеит Амҷыԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
