Амоделиер Ҷанԥҳа: сынтәагьы аҽеилаҳәараан астильқәа еиларсзаауеит
"Астильқәа еиларсны иушәуҵар ҟалоит. Аклассикеи аспорттә хырхарҭеи ирыҵаркуа амаҭәақәа еицныҟәугар алшоит ари ашықәс азгьы. Аԥшшәқәа ртәы ҳҳәозар, аиқәаҵәа абазатә ԥшшәы, иаҳа ихадаратәу акәны иҟазаауеит. Иара ҳара ҳаилаҳәашьаҟны аԥыжәара иаҳа иамоуп. Убри аан ари ашықәсан иҳадыргалоит иаҳа илахҿыху аԥшшәқәа. Апатырқалԥшшәы, аҳаскьынԥшшәы иазааигәоу, ажәҩанԥшшәы, иара убас ақьармыт аԥшшәы ари ашықәс азы азҿлымҳара зуҭаша роуп. Ҳазҭысыз ашықәс азы асахҭан актуалра аҵан, ус иагьаанхоит. Иара асахҭани ачыхәқәеи еидӡахылангьы ашәҵатәы амода иақәшәоит. Ачыхәқәа аклассикатә маҭәеи аспорттәи рҟны ахархәара рымазаауеит", - лҳәеит Ҷанԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
