Аҵәахбанк Пицундатәи аҟәша жәабранмзанӡа аремонт азы иаркуп

© Sputnik / Томас ТхайцукСбербанк Абхазии
Сбербанк Абхазии  - Sputnik Аҧсны
Анапаҵаҩра
НовостиTelegram
Пицунда Аԥсны Аҵәахырҭатә банк аҟәша аремонт иалагеит ажьырныҳәа 3 рзы, жәабранмза алагамҭазы ихыркәшахароуп.

АҞӘА, ажьырныҳәа 19 – Sputnik, Бадри Есиава. Пицунда Аԥсны Аҵәахырҭатә банк аҟәша аремонт ахьцо инадҳәаланы Пицунда ауааԥсыра аамҭала ртәанчахәы Аҵәахырҭатә банк Бзыԥтәи аҟәшаҿы ироуеит ҳәа иҳәеит ареспублика Аҵәахырҭатә банк арегионалтә директор Ахра Анқәаб.

"Есышықәса Гагра араион аҿы Аҵәахырҭатә банк аҟәшақәа рҭагылазаашьа еиӷьаҳтәуеит. Ажьырныҳәа 3 рзы ҳалагеит Пицундатәи аҟәша ахьыҩноу ахыбра шьаҭанкылатәи аремонт азура. Асеиԥш аусура ду иаарласны узалгомызт. Аремонттә усурақәа мчыбжьык ала ахыркәшара уадаҩуп, уи аҟнытә ҩымчыбжь раҟара ҳадхалоит", - ҳәа иҳәеит иара.

Анқәаб иара убасгьы иазгәеиҭеит Пицунда ахадара атәанчаҩцәа рзы автобус шдыргыло. Автобус ақалақь ахадара ахыбра иадҵуеит ашьыжь асааҭ 10:00 рзы ашәахьа инаркны ахәашанӡа. Пицундеи Бзыԥи - 14 километра рыбжьоуп.

Анқәаб абри аганахь ала атәанчаҩцәа рхы иахашшаауам, гәынамӡарак аадырԥшуам ҳәа иҳәеит. Пицундаа еиҳагьы агәахәара рнаҭоит рықалақь аҿы аремонт ҿыц зызуу ахыбраҿы амаҵзурақәа роуа иахьыҟало.

 

Ажәабжьқәа зегьы
0