АҞӘА, ажьырныҳәа 25 - Sputnik. Аинформациатә маҵзура Sputnik англыз бызшәала ажәабжьтә Telegram канал аусура иаланаргоит.
Sputnik ажәабжьтә маҵзурақәа арҭбаауеит Telegram амультимедиатә лшарақәа рыла, аполитика, абизнес, адунеитә економикатә тенденциақәа, атәылахьчара, ашәарҭадара, акосмос, агәабзиарахьчара уҳәа ирызкны аудиториа ҭбаа азы. Аканал–атекст, афото, аграфика, авидео, аудио, астатистика уҳәа акьыԥхьуеит аԥхьаҩ иҿыцӡоу ажәабжьқәа ирдырразы. Амш ажәабжь хадақәа Урыстәыла иҟоу ахҭысқәа роуп.
Аԥхьаҩ идгалахоит еиҳа аинтерес зҵоу аексклиузивтә интервиуқәа еиуеиԥшым атәылақәа рнапхгара алахәылацәа рҟынтәи, ауаажәларратә гәаанагарақәа, аналитикцәеи аекспертцәеи рыҿцәажәарақәа.
Sputnik акорреспондентцәа ишиашоу ицо аефир ала 24/7 адунеи аҿы имҩаԥысуа ажәабжьқәа еиҭарҳәалоит, аҳәынҭқарратә ныҟәарақәа инадыркны аҿагыларатә акциақәа рҟынӡеи атеррористтә жәыларақәа рҟынӡеи.
Sputnik Telegram аҿы аԥшаареи анапаҵаҩреи шәылшоит абри аҭыӡҭыԥ ала: @sputniknewsint.
Sputnik – 33 бызшәа рыла иҟоу аинтернет-саитқәа еидызкыло иналукааша жәларбжьаратәи амассатә-информациатә хархәагоуп, аналогтәи ацифратәи радиодырраҭарақәа 90 қалақь инареиҳаны рахь ацәқәырԥақәа нарышьҭуеит. Ажәабжьқәа уахи-ҽни иҭыҵуеит англыз, араб, аиспан, акитаи, фарси абызшәақәа рыла. Sputnik аудиториа мызкахьы 80 миллионҩык рҟынӡа инаӡоит, Sputnik асоциалтә ҳақәа рҟны аккаунт анапаҵаҩцәа 20 миллионҩык рҟынӡа ыҟоуп. Бишкек инаркны Кишиниовнӡа, Пекин инаркны Монтевидео аҟынӡа аредакциақәа 24 рҿы аус руеит зықьҩык инареиҳаны еиуеиԥшым амилаҭқәа рхаҭарнакцәа. Sputnik амедиагәыԥ "Россия сегодня" иаҵанакуеит. Sputnik аофис хада Москва иҟоуп.
