АҞӘА, ажьырныҳәа 29 – Sputnik. Гәдоуҭатәи ахәышәтәырҭаҿы ажьырныҳәа 29 рзы рыԥсҭазаара иалҵит ҩыџьа апациентцәа, ҳәа аанацҳауеит Ауааԥсыра COVID-19 рацәыхьчаразы аоперативтә штаб:
- 87 шықәса зхыҵуаз апациент, акоронавирустә инфекциа ҿыци ахәышәтәырҭанҭыҵтәи аполисегментартә гәыҵәкреи адиагноз ззышьақәыргылаз;
- 1931 шықәса рзы ииз апациентка, акоронавирустә инфекциа ҿыци ахәышәтәырҭанҭыҵтәи аполисегментартә гәыҵәкреи адиагноз ззышьақәыргылаз.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәыргылоуп, рҭагылазаашьа бааԥсуп 30-ҩык, ибжьаратәуп - 46-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 13-ҩык, Гагратәи ахәышәтәырҭаҿы - 34-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 43-ҩык апациентцәа.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11520-ҩык ыҟоуп, ргәы бзиахеит 9820-а, рыԥсҭазаара иалҵит 172-ҩык.
Акоронавирус иазку ажәабжьқәа зегьы шәрыԥхьар ҟалоит абра>>
