АҞӘА, жәабран 3 – Sputnik, Бадраҟ Аҩӡба. Акоронавирустә инфекциа хызҽуа алаҵа "Спутник V" Аԥсныҟа аашьҭра иазыԥшуп жәабран-хәажәкыра амзақәа рзы ҳәа иҳәеит адепутат Алхас Џьынџьал Апарламент аизараҿы.
"Аԥхьатәи азыҳәа нашьҭын аԥхынразы, аха еиуеиԥшым амзызқәа ирхырҟьаны иаҳмоуит. Убри инадҳәаланы Аҳәынҭдумахь ҳколлегацәа ашәҟәы рзаҳашьҭуеит аус дырццакырц", - ҳәа иҳәеит иара.
Иара иазгәеиҭеит алаҵа "Спутник V" – зыгәра угаша шакәу.
Аԥсны Урыстәылаҟа алаҵа аиуразы 2020 шықәса цәыббрамзазы азыҳәа нанашьҭит. Иазԥхьагәаҭан 15 - 20 нызқь доза алаҵа аиура.
