АҞӘА, жәабран 12 – Sputnik, Бадраҟ Аҩӡба. Аԥсны аҭагылазаашьа ҷыдақәа рминистр Лев Кәыҵниа ҭелла иҽимеидеит Урыстәыла АҶА Аҩадатәи Уаԥстәылатәи аусбарҭа аиҳабы Александр Хоружим, абри атәы Sputnik иазаарыцҳаит Аԥсны АҶА апресс-маҵзура.
"Кәыҵниа адырра ҟаиҵеит Владикавказ иҟалаз арыцҳараҟны Аԥсны АҶА иаҭахны иҟоу ацхыраара ишазыхиоу",- ҳәа рҳәеит аусбарҭаҿы.
Урыстәылатәи рколлегацәа ари ҭабуп ҳәа ахырҳәааит, иазгәарҭеит макьаназы дара рымчқәа шеизхо.
Ахәаша ашьыжь атҟәацра ҟалеит Гагкаев ихьӡ зху амҩаду иангылоу адәқьан аҿы, Владикавказ. Ахҭыс мзызны иамазар ҟалоит ҳәа ишьоуп агаз аԥжәара.
Ахҭыс мзызны иамазар ҟалоит ҳәа ишьоуп агаз аԥжәара. РИА Новости иаҭоу адыррақәа рыла ахыбра аҵаҟатәи аихагылаҿы аҵәыҵәри баллонқәа ыҟан. Ахыбра атҟәацра ашьҭахь еиқәаҳаит. Убри аан амцакра ҟамлеит. Амаҵзура ҷыдақәа аилаҳара арыцқьара нап адыркит.
