"Атуризм аганахьала акадрқәа ррезерв аԥҵара аус аминистрра даара ииашаны изызнеиз зҵаароуп. Аԥышәа змоу аусзуҩцәа рыԥшааразы ари ҳусура арманшәалоит. Иаҳҳәап, аекскурсиа амԥҩаԥгаҩцәа зегьы рус ахь ишьҭны еиҭа гәыԥҩык аԥсшьаҩцәа сзаазар, абаза схы иархәаны иаарласны дсыԥшаар сылшоит аамҭала исыцхрааша ауаҩы. Есышықәса аԥхын аамҭа ааигәахо ианалагалак, аԥсшьарҭатә ҩнқәа еизыргоит аусзуҩцәа, аҭыԥ аартразы, иарбанзаалакгьы занааҭла аԥышәа змоу убра иҭагалазар, зус ибзианы издыруа, уи аганахьала аҵара змоу, даара ицхырыаагӡахон. Ауаҩы иҭел мыԥшаауа, шаҟа шықәса аус иухьо еилкаауа, идыррақәа зеиԥшроузеишь ҳәа сымхәыцуа абри зегьы ахьызбаша абаза ҟалар, сусура аганахьала сарманшәалон", - ҳәа еиҭалҳәеит Маланиаԥҳа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.
Иара убас шәаԥхьар ҟалоит:
-
Аԥсны атуризм аминистрра акадртә резерв абаза аԥнаҵоит
