АҞӘА, хәажәкыра 13 – Sputnik, Бадраҟ Аҩӡба. Аԥсны зҽаԥсазтәыз артист, еицырдыруа аԥсуа уарӷанарҳәаҩ Лука Гаделиа дықәгылоит Салих Саидашев ихьӡ зху Аҳәынҭқарратә концерттә зал ду аҟны, Казань, хәажәкыра 13 рзы. Аконцерт иалагоит асааҭ 18:30 рзы.
"Аиԥш зеиԥшу афестиваль аҟны ақәгылара ԥышәа бзиоуп сара сзы. Раԥхьаӡакәны аконцерт ду рысҭоит асимфониатә аоркестр аҳәаақәа иҭагӡаны. Абжьааԥны асолист ԥҵамҭа дук наигӡоит, иқәгылара оркестр иханарҭәаауеит, уажәы ауарӷанҳәара хадаратәуп", - иҳәеит Лука Гаделиа.
Аԥсуа уарӷанарҳәаҩ инеигӡараны дыҟоуп Георг Генделиа, Самуиле Барбер, Џьорџь Гершвин рырҿиамҭақәа.
Лука Гаделиа – аҟыбаҩ ду злоу амузыкант, ауарӷанарҳәаҩ, еиуеиԥшым жәларбжьаратәи афестивальқәа рлахәыла. 2006 шықәса раахыс Пицундатәи ауахәама асолист. 2017 шықәсазы амузыкатә ҟазараҿы илагаламҭақәеи илшамҭақәеи азгәаҭаны Лука Гаделиа Аԥсны зҽаԥсазтәыз артист ҳәа ахьӡ ҳарак ихҵан.
