АҞӘА, хәажәкыра 13 - Sputnik. Ихьыԥшым ашьапылампылтә ассоциациақәа рконфедерациа ConIFA ашьапылампыл азы ачемпионат мҩаԥнагоит Африка, ConIFA Afrika аҳәаақәа ирҭагӡаны. Абри атәы аанацҳауеит аусбарҭа аофициалтә даҟьа Twitter.
ConIFA еиднакылоит официалла FIFA иалам атәылақәеи автономиақәеи еизгоу ркомандақәа. Ааигәа ихацыркын даҽа хырхарҭак- Африка аконтинентқәа рҟны ачемпионатқәа рымҩаԥгара.
Иазгәаҭоуп, ашьапылампыл азы ачемпионат ConIFA Afrika мҩаԥгахоит аԥхынра, Занзибара.
The first-ever @AfricaConifa Championship will take place this summer in the magical surrounding of #Zanzibar.
— CONIFA (@CONIFAOfficial) March 12, 2021
We have unique sponsorship opportunities for you to join the team & celebrate the beauty of #Africa!
Send a Declaration of Interest to president@conifa.org today. pic.twitter.com/y58hcxBpU9
Европа ачемпионат мҩаԥысраны иҟоуп Франциа ақалақь Ницца рашәарамза 9 инаркны 19 рҟынӡа. Аԥсны еизгоу акоманда агәыԥ В аҿы ирындаҭлоит Сампии Секеитәи атәылаҿацәи ркомандақәа.
2016 шықәсазы Ашьапылампыл азы адунеи ачемпионат ConIFA мҩаԥысуан Аԥсны, усҟан Аԥсны еизгоу амилаҭтә команда аиааира агеит.
Ихьыԥшым ашьапылампылтә ассоциациақәа рконфедерациа еиҿкаан 2013 шықәсазы. ConIFA еиднакылоит официалла FIFA иалам атәылақәеи автономиақәеи еизгоу ркоманлақәа, урҭ рхыԥхьаӡара 25 рҟынӡа иҟоуп.
