Аҳәаанырцә ааигәа атәылауаа аурыс-аԥсуа ҳәааҿы иаанкылоуп

© Sputnik / Марианна Кубрава Граница по реке Ингур
Граница по реке Ингур  - Sputnik Аҧсны, 1920, 16.03.2021
Анапаҵаҩра
Yandex newsTelegram
Аҳәаанырцәуаа аҳәаахьчаратә зона алалара аԥҟарақәа ахьеиларгаз азы ахараԥса рашәаразы административтә ҭакԥхықәра рыдҵоуп.

АҞӘА, хәажәкыра 16 - Sputnik. Аҳәаанырцә ааигәа атәылауаа хәҩык аурыс-аԥсуа ҳәааҿы иааныркылеит Урыстәыла АШәМ Краснодартәи атәылаҿацә Аҳәаахьчаратә усбарҭа аусзуҩцәа. Абри атәы аанацҳауеит аусбарҭа апресс-маҵзура.

Таможенный контроль  - Sputnik Аҧсны, 1920, 05.03.2021
Аԥсны аҳәааҿы дааныркылеит уаанӡа изышьҭаз Урыстәыла атәылауаҩ

Иаанкылаз Шәача, Адлертәи араион Верхневесиолое ақыҭаҿы иҟан. Дара аҳәаахьчаратә зонаҿ аҟазаара азин рызҭоз адокументқәа рыцмызт.

Урыстәыла АШәМ Краснодартәи атәылаҿацә Аҳәаахьчаратә усбарҭа адырра ала, Аԥсни Урыстәылеи рҳәаа иаԥну аҭыԥқәа рҭаараан аҳәаахьчаратә режим аиламгаразы иахәҭоуп аҳәаахьчаратә режим аԥҟарақәа рықәныҟәара.

Аҳәаахьчаратә усбарҭа агәҽанҵара ҟанаҵоит ԥкырада аҳәаахьчаратә зонаҿ аҟазааразы ухаҭара шьақәзыргыло адокументқәа рыдагьы аушьҭразы ашәҟәы умазароуп ҳәа. Уи иалнаршоит хә-километрак рҟынӡа аҳәаа иаԥну аҵакыраҿы аҟазаара. Анаҩс аҭаларазы иахәҭаны иҟоуп азин ҷыда аҳәаахьчаратә зонаҿы аҟазааразы.

Аҳәаанырцә атәылауааи атәылауаҩра змам ахаҿқәеи аҳәаахьчаратә зона аҭалареи уа аҟазаареи мҩаԥыргар рылшоит рхаҭара шьақәзырӷәӷәо адокументқәеи азин ҷыда анрымоуи.

Ажәабжьқәа зегьы
0