Аԥсны атуризм аминистрра атуристтә цәыргақәҵа MITT-2021 иалахәуп Москва

© Foto / Министерство по туризму РАМинтуризма Абхазии участвует в туристической выставке MITT-2021
Минтуризма Абхазии участвует в туристической выставке MITT-2021 - Sputnik Аҧсны, 1920, 16.03.2021
Анапаҵаҩра
Yandex newsTelegram
MITT — Moscow International Travel & Tourism Exhibition – Урыстәылеи ИАР атәылақәеи рҟны еиҳа идуу туристтә цәыргақәҵоуп.

АҞӘА, хәажәкыра 16 – Sputnik. Аԥсны атуризм аминистрра XXVII Жәларбжьаратәи атуристтә цәыргақәҵа MITT-2021 иалахәхоит Москва ҳәа аанацҳауеит аминистрра апресс-маҵзура.

Аԥснытәи аделегациа напхгара аиҭоит атуризм аминистр Ҭеимураз Хышба.

"Апандемиа иахьмырԥшыкәа ацәыргақәҵа аинтерес ду цәырнагоит. Аԥсны астенд еиҳа аҭааҩцәа змоу, идуу ак акәны иҟоуп ацәыргақәҵаҿы", - ҳәа иҳәеит аминистр.

© Foto / Министерство по туризму РААԥсны атуризм аминистрра атуристтә цәыргақәҵа MITT-2021 иалахәхоит Москва
Аԥсны атуризм аминистрра атуристтә цәыргақәҵа MITT-2021 иалахәуп Москва - Sputnik Аҧсны, 1920, 16.03.2021
Аԥсны атуризм аминистрра атуристтә цәыргақәҵа MITT-2021 иалахәхоит Москва

Ари ареспублика алшарақәа инарҭбааны иаанарԥшуеит, аинвестициақәа атәыла радԥхьалара иацхраауеит, Аԥсныҟа асасцәагьы хьанарҳәуеит. Сынтәа ауснагӡатә мҩаԥысуеит Крокус ЭКСПО аҿы хәажәкыра 16-18 рзы.

Сынтәатәи ацәыргақәҵа иалахәуп 200 тәыла: Малаизиа, Мальдивы, Ҭырқәтәыла, Бырзентәыла, Болгариа, Черногориа, Таиланд, Албаниа, Саксониа, Никарагуа уҳәа егьырҭгьы.

MITT - адунеи аҟны аԥыжәара змоу хә-цәыргақәҵак рхыԥхьаӡараҟны иҟоу Урыстәыла атуристтә цәыргақәҵоуп. Араҟа еиқәшәоит атуризм аусхк знапы алакуи уи амаҵзурақәа зхы иазырхәоуи.

Ажәабжьқәа зегьы
0