Раионк аԥсҭазаараҟынтә: Џьопуа аҭыԥантәи алхрақәа рахь акандидатцәа ашәҟәы рҭагаларазы
"Аизарахь инеироуп 15-ҩык адепутатцәа, ашәҟәы рыҽҭаргалеит 24-ҩык. Ашәҟәқәа рыдкылара ашьҭахь иҳамоуп жәамш, дара зегьы иалырҵаз анапынҵақәа ргәаҭаразы. Ашәахьа, хәажәкырамза 22 инаркны уи аус хацыркхоит. Алхрақәа рымҩаԥгаразы зегьы рыла ҳаиқәшәоуп, урҭ реиҿкааразы макьана аамҭагьы ҳамоуп. Алхҩцәа рхы шымҩаԥырго макьана иҳаздырым, аха акандидатцәа иаадырԥшыз активрала дара урҭгьы рацәахап ҳәа ҳгәыӷуеит. Акандидатцәа рықәра бжьаратәла 30 шықәса ыҟоуп, дыҟоуп кандидатк 70 шықәса зхыҵуа, иҟоуп ҩыџьа 60 шықәса ирҭагылоу", - еиҭеиҳәеит Џьопуа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
