Микрофон  - Sputnik Аҧсны, 1920
Арадио

Гәбаз араионтә еизарақәа рзы: аҳәса иаҳа ирацәаны иалахәзар бзиоуп

© Foto / предоставлено Лаврентием ГубазЛаврентий Губаз
Лаврентий Губаз - Sputnik Аҧсны, 1920, 25.03.2021
Анапаҵаҩра
Гәдоуҭа араион алхратә комиссиа ахантәаҩы Лавренти Гәбаз арадио Sputnik аефир аҟны еиҭеиҳәеит аҭыԥантәи ахаланапхгараҭарахь адепутатразы акандидатцәас шаҟаҩы ықәдыргылаз араион аҟны аԥшьгаратә гәыԥқәа, алхрақәа рҽазыҟаҵара шцо.
Гәбаз араионтә еизарақәа рзы: аҳәса иаҳа ирацәаны иалахәзар бзиоуп

Мшаԥы 11 рзы аҭыԥантәи ахаланапхгараҭарахь адепутатцәа ралхразы Аԥсны абжьыҭара мҩаԥгахоит. Азакәан инақәыршәаны депутатс далхзар алшоит 25 шықәса зхыҵыз дарбанзаалак Аԥсны атәылауаҩ. Зус рыӡбахьоу адепутатс дҟалар ауам, иара убасгьы анаркологиатәии апсихоневрологиатәии диспансерқәа рҟны иҭаҩу, анаркоманцәеи атаксикоманцәеи арахь иаҵанакуа.

Гәдоуҭа араион алхратә комиссиа ахантәаҩы Лавренти Гәбаз иажәақәа рыла, 63 аԥшьгаратә гәыԥк рҟынтәи 6 гәыԥк рырзаҳалқәа дырхынҳәит.

"57- ҩык акандидатцәа, ари ахыԥхьаӡара маҷӡам, альтернативатә ҟазшьа рыманы алхрақәа мҩаԥысуеит. Уи аԥхьа иҟаз алхрақәа ирҿырԥшны, иахьазы иқәгылоу хәҩык рыла еиҳахеит. Усҟан 50-ҩык раҟара ыҟазҭгьы, иахьазы алхрақәа рхы рыладырхәырц рҭахуп 57-ҩык. Апартиақәа рҟынтәи зхы ықәзыргыло, шамахамзар, зынӡа имаҷуп. Сынтәа иқәгылоу рҟынтәи 54-ҩык аԥшьгаратә гәыԥқәа рыла ашәҟәы зыҽҭазгалаз роуп. Апартиа аганахьала зынӡа иҳамаӡам араион аҟынтәи акандидатура. Хҩык ықәыргылоуп ақыҭа азеиԥш еизарақәа рыла", - иҳәеит Гәбаз.

Араионтә еизарахь адепутатразы хәҩык аҳәса неиуеит, иреиҵбу 25 шықәса лхыҵуеит. Гәдоуҭа араион аҿы 29 алхырҭатә ҭыԥ хада ыҟоуп, алхыҩцәа рхыԥхьаӡара 25 нызқьҩык инархыҳәҳәоит.

Шәазыӡырҩы аудио.

Ажәабжьқәа зегьы
0