"Ԥсра зқәым архәҭа" аныҟәара мҩаԥгахар алшоит еиуеиԥшым аформатқәа рыла

© Sputnik / Владимир Песня / Афотобанк ахь аиасраВсероссийская акция "Окна Победы"
Всероссийская акция Окна Победы - Sputnik Аҧсны, 1920, 25.03.2021
Анапаҵаҩра
Yandex newsTelegram
2020 шықәсазы "Ԥсра зқәым архәҭа" абжьааԥны еиԥш амҩаԥгара залмыршахеит акоронавирустә пандемиа иахырҟьаны. Имҩаԥган онлаин-формат ала.

АҞӘА, хәажәкыра 25 - Sputnik. 2021 шықәсазы "Ԥсра зқәым архәҭа" абжьааԥны еиԥш онлаин-формат алагьы имҩасыр ҟалоит, аҵыхәтәантәи аӡбра рыдыркылоит лаҵарамзазы аепидемиологиатә ҭагылазаашьа зеиԥшроу иаҿырԥшны, абри атәы иҳәеит ауаажәларратә еиҿкаара "Урыстәыла ԥсра зқәым архәҭа" анагӡаратә еилакы анапхгаҩы Артем Хуторскои амедиа-центр МИА "Россия сегодня" аҟны.

Участники акции Бессмертный полк в Москве - Sputnik Аҧсны, 1920, 17.07.2020
Урыстәыла "Ԥсра зқәым архәҭа" амҩанысра арыцхә инахоуп

"Ҳаиҿкаара аштаб хада, анагӡаратә еилакы, арегионалтә ҟәшақәа мызкы иназынаԥшуа еиуеиԥшым аформатқәа рыла амҩаԥгаразы аҽазыҟаҵара иаҿуижьҭеи. Иазырхиоуп апроект "Ԥсра зқәым архәҭа-онлаин". Уажәы ҳҽазыҟаҳҵоит уаанӡатәи аформат ала ақалақьқәа рымҩақәеи, рышҭақәеи рнысра апроект. Аҭагылазаашьа шыҟалаша ҳаздырам, убри азы аформатқәа рыҩбагьы азҳархиоит", - иҳәеит Хуторскои.

Раԥхьаӡа акәны "Ԥсра зқәым архәҭа" мҩаԥган цәыббра 30, 2016 шықәсазы. Иалахәын ҩ-нызқьҩык инарзынаԥшуа ауааԥсыра.

Аԥсны атәылауаа Аҟәа Ацҳа Ҟаԥшь инаркны Ахақәиҭра ашҭаҟынӡа ақалақь амҩа хадақәа ирнысит ргәакьацәа рфотосахьақәа рыманы.

Аибашьра ду аан ҳџьынџьуаа зықьҩыла амцашыра иалагылан. Еибашьра ицаз 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык рышьҭахьҟа изыхнымҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит.

Ажәабжьқәа зегьы
0