Аԥсны аԥыза-министр ихаҭыԥуаҩ, аекономика аминистр Кристина Озганԥҳа Очамчыра араион аҟны иҟоу ақыҭанхамҩатә комплекс даҭааит ари амчыбжь азы. Урыстәыла Аԥсны аусдкылаҩцәа ирзоунажьыз акредит иабзоураны зусура хацдыркыз анаплакқәа аԥара аргьежьраан еиҵахеит, апроцент ашәара рцәыуадаҩхеит. Агрокомплекс иаҭааз Кристина Озганԥҳа аҭыԥан илзеиҭарҳәеит, игәалҭеит ирыгу –ирыбзоу атәы.
"Москвантәи дааны дыҟан аекономика-аминистр ихаҭыԥуаҩ. Уи аобиектқәа ( акредиттә ԥара ззоужьыз-аред.) илырбарц дналгеит (Кристина Озганԥҳа-аред.). Ижәдыруеит ауал ареструктуризациа ҳаҿуп. Асас игәеиҭеит, игәаԥхеит, аха атехнологиатә процесс риашатәуп, уи еиликааит, ишаҭаху ариашара агәра игеит. Атехнологиа зегьы Израильтәуп, уи акомпиутртә программалоуп аус шауа. Дара рыда иаҳзыҟаҵом, ари акоронавирустә чмазара иахҟьаны изымааит. Урҭ иааны иҟарҵаанӡа аҽаҩра бзианы иҳауоит сҳәар- мцуп. Атехнологиа риашамкәа аҽаҩра 20 процентгьы ҳауам",- азгәеиҭеит Коӷониа.
Иаҳа инеиҵыхны аицәажәара шәаҳарц шәылшоит аудиофаил шәаӡыӡырҩыр.
Иара убас шәаԥхьар ҟалоит:
