"Ари аинститут иаҭаху институтуп, иара аконституциа излаҳәо ала, аҵарауаа рхәыцра ахьынӡаҩаӡо ала, сгәаанагарала. Еиԥмырҟьаӡакәа алхрақәа мҩасырц сҭахын, ус иагьыҟалеит. Сара сзызҿлымҳаз алхырҭатә ҭыԥқәа рҿы иубарҭан ауаа иҭышәынтәалан рнеира", - ҳәа азгәалҭеит Гамсаниаԥҳа.
Ачынуаа зааӡо аинститутқәа, иара аҳәынҭқарра амасштабқәеи алшареи злаҟоу ала иҵегьы иҳармаҷыр ҳәа агәаанагара аҭыԥ амоуп, аха уи ҳаԥхьаҟа изызхәыцтәу усуп, ҳәа азгәалҭеит Гамсаниаԥҳа.
"Аԥсны абизнес ҟалар, даҽакала аҳәынҭқарра ҿио иалагар, рҭаацәаратә ҭагылазаашьа еиӷьхар, зынӡаск уахь ауаҩы ихы имырхар ауеит, даҽакала идырҳаша, иҟарҵаша рацәоуп. Убри аҟнытә абри аҭыԥантәи алхрақәа урызхәыцыртә иҟоуп, иаҭахума, дара? 35 депутат Апарламент аҿы иҳамоуп, убарҭ араионқәа ирыҵарымкуа акгьы ыҟаӡам, дара иахьа сааҭк аҩнуҵаҟа ирылымшо акгьы ыҟаӡам, Аԥсны ахи-аҵыхәеи еимырдартә иҟоуп. Изхьымӡо ҳәа акгьы ыҟаӡам, дара аҭахра рымазар. Иаҭахума ари аинститут зынӡас, уи аамҭа иаҳнарбап, уигьы иазхәыцтәуп, аха аԥыхраз - макьана. Уи ареферендум, уи аконституциа уҳәа иаҭаху ахәҭаҿқәа аус рыдулатәуп", - ҳәа еиҭалҳәеит Гамсаниаԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
Ҳагба ахаланапхгараҭарақәа рнапынҵақәа рырҭбааразы: амчра алегитимра арӷәӷәоит
-
Кәарҷиа еиҭеиҳәеит аҭыԥантәи алхрақәа ауаа ргәы азыбылуам ҳәа зиԥхьаӡо атәы
-
Ҷкотуа еиҭеиҳәеит аҭыԥантәи алхрақәа аҵак ду рыманы дызрыхәаԥшуа
