АҞӘА, мшаԥы 20- Sputnik. Аԥсны иҟоу Аладатәи арратә округ аснаиперцәа аҽазыҟаҵарақәа раан "аӷа" дҭадырхеит уахынлеи ҽынлеи раамҭазы ҳәа аанацҳауеит аокруг апресс-маҵзура.
Аҽазыҟаҵарақәа мҩаԥысуан аполигонқәа Ҵабали Нагвалоуи рҿы ашьхараҿи амшынԥшаҳәаҿи.
Аррамаҵзурауаа х-километрак иҟаз абнаратә ҭыԥқәа ирхысны ахысырҭатә позициа еиҭаргеит. Иахьнеитәыз араион аҿы рнеираан еиҿыркааит имцызи иҟаҵәҟьази ахысырҭатә ҭыԥқәа. Акоординатқәа анроу ашьҭахь аснаиперцәа 300 метра инаркны 1000 метра рҟынӡа ахьыбжьаз аснаипертә винтовкақәа СВДи иҷыдоу аснаипертә винтовкақәа "Винторез" рыла "аӷа" дҭадырхон.
Ацәҟьақәа рҭаԥшыхәра мҩаԥыргон ҳаамҭазтәи атехникатә хархәагақәа рыла – еиҭарго аԥшыхәратә лазертә маругақәа ЛПР-3 реиԥш иҟоу рыла. Ацәҟьа ԥшааны аснаиперцәа асинхронтә хысра мҩаԥыргон километрак аҟынӡа ахарара ахьыҟазгьы.
Зынӡа агәаҭарақәа ирылахәын 700-ҩык аррамаҵзурауаа.
Аиҳарак азхьаԥшра аҭан аҽыҵәахра, уи азы ашәаԥыџьаԥ рхархәашьа.
