80% урыстәылаа атәыла аҩныҵҟа аԥсшьара рыгәҭакуп

© Sputnik / Артур Лебедев / Афотобанк ахь аиасраЛетний отдых на курорте "Роза Хутор"
Летний отдых на курорте Роза Хутор - Sputnik Аҧсны, 1920, 22.04.2021
Анапаҵаҩра
Yandex newsTelegram
Реиҳа иалырхуа хырхарҭаны иҟоуп ақалақьқәа –Шәача, Симферополь, Москва.

АҞӘА, мшаԥы 22 - Sputnik. 80% урыстәылаа аԥхын атәыла аҩныҵҟа аԥсшьара рыгәҭакуп. Ари ас шакәу шьақәнарӷәӷәоит RT ҟазауаа рыҭҵаарақәа.

Аиҳарак ари аҭагылазаашьа зыдҳәало атуристтә кешбек программоуп ҳәа иазырыԥхьаӡоит аекспертцәа.

Апрограмма инақәыршәаны атәыла аҩныҵҟа аныҟәара мҩаԥызго урыстәылаа 20% атур ахәԥсаҟынтә ирыздырхынҳәуеит, аха 20 000 мааҭ еиҳамкәа. Мшаԥы 21 рзы Владимир Путин аиҳабыра рнапы ианиҵеит ари аԥшьгамҭа аҿҳәара ашықәс нҵәаанӡа имҩаԥгалазарц.

Амаҵзура OneTwoTrip, адыррақәа рыла 80,1% аклиентцәа зызҵаауа рашәара–нанҳәа амзаамҭоуп.

Урыстәылаа еиҳа иалыркаауеит абарҭ ахырхарҭақәа:

  • Шәача (16,8%),
  • Симферополь (14,3%),
  • Москва (8,8%).

Зинтерес рымоу аҭыԥқәа ирыҵаркуеит иара убасгьы: Санкт-Петербург (8,3%), Анапа (7,8%), Краснодар (4,4%), Калининград (4,2%), Геленџьик (2,8%), Минеральные Воды (2,3%), Махачкала (1,8%).

Туристы на набережной  - Sputnik Аҧсны, 1920, 29.03.2021
Атуроператорцәа еиҭарҳәеит сынтәатәи аԥхынразы Аԥсны аԥсшьара заҟа иаԥсахо

Урыстәыла атуроператорцәа рассоциациа (АТОР) ахада ихаҭыԥуаҩ Дмитри Горин RT ишазеиҭеиҳәаз ала иахьазы кешбек апрограммала атурқәа рыҭира ҩынтә ишьҭыҵхьеит.

Иахьазы 109 тәыла урыстәылатәи атуристцәа рзы рҳәаақәа аартуп.

Мшаԥы 20 рзы Роспотребнадзор аԥҟара ҿыцқәа аланагалеит. Иаланагалаз аԥҟарақәа рыла, лаҵара 1 ашьҭахь аҳәаанырцәынтә ихынҳәуа коронавирус азы ҩынтә атест арҭароуп. Аҩбатәи атест аҭак аҳәынҭқарратә маҵзурақәа иаку рпортал аҿы икьыԥхьтәуп.

Уаанӡатәи Роспотребнадзор адыррақәа рыла, мшаԥы 15 инаркны Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп, атест аҭак аҳәынҭқарратә маҵзурақәа иаку рпортал аҿы икьыԥхьтәуп ҳәа ҳәан.

Ажәабжьқәа зегьы
0