Микрофон  - Sputnik Аҧсны, 1920
Арадио

Аҩӡба арратә ҭоурыхҭҵааҩ Ԥачлиа изы: иҭыԥ ҭацәны иаанхеит аҭҵаарадырраҟны

© Sputnik / Томас ТхайцукАслан Авидзба
Аслан Авидзба  - Sputnik Аҧсны, 1920, 22.04.2021
Анапаҵаҩра
Аҭоурыхтә ҭҵаарадыррақәа рдоктор, апрофессор, Аԥсуаҭҵааратә институт аиҳабы ихаҭыԥуаҩ Аслан Аҩӡба арадио Sputnik аефир аҟны еиҭеиҳәеит арратә ҭоурыхҭҵааҩ Валикәа Ԥачлиа аҭҵаарадырраҟны илагала атәы.
Аҩӡба арратә ҭоурыхҭҵааҩ Ԥачлиа изы: иҭыԥ ҭацәны иаанхеит аҭҵаарадырраҟны

Арратә ҭоурыхҭҵааҩ, аҭоурыхтә ҭҵаарадыррақәа ркандидат, Дырмит Гәлиа ихьӡ зху Аԥсуаҭҵааратә институт аҭҵаарадырратә усзуҩ еиҳабы Валикәа Ԥачлиа иахьа аҵыхәтәантәи имҩахь днаскьаргоит. Аҵарауаҩ иаԥиҵеит Аџьынџьтәылатә еибашьра Ду, Аԥсны жәлар Рџьынџьтәылатә еибашьра, иааидкыланы Аԥсны Арбџьарамчқәа рҭоурых иазкны аусумҭақәа. Иара инапхгарала иаԥҵан Аԥсны Аҳәынҭқарра Атәылахьчара аминистрра архив.

Валико Пачулия - Sputnik Аҧсны, 1920, 20.04.2021
Иԥсҭазаара далҵит аҵарауаҩ, арратә ҭоурыхҭҵааҩ Валикәа Ԥачлиа

"Валикәа Маџьыҭ-иԥа Ԥачлиа иԥсҭазаара иалҵра аҭоурыхтә наука мацара азы акәымкәа аԥсуа ҭҵаарадырра зегьы азы ицәыӡ дууп. Иара иҭиҵаауаз шҭиҵаауаз еиԥш иашьҭахь иҭызҵаауа уаҩ дҳамаӡам. Ҳара ҳазламаҷу ала иаҳцәыӡуа ауаа зегьы ҳзыԥсахӡом. Валикәа Ԥачлиа иҭыԥгьы иахьа иҭацәны инхеит. Анцәа иҳәааит уаҵәы, уаҵәашьҭахь ихаҳарҭәааратәы...Ҩ-еибашьрак ҭиҵаауан… Абарҭ аҩ-зҵаарак еидкыланы аӡәы иҭиҵаауа акәым, апроблемақәа ганк хәҩы-фҩы ирызҭҵааӡом. Иара ибжьы дуумкәа, ауаа рҿы икапан уамак ицәыргамкәа, иаҳцәагои ҳәа иршуа амедалқәа уамак имамкәа, иџьабаақәа даара ирацәоуп. Аԥсҭазаараҿы ишьҭахь ҭаацәак нимыжьӡеит, аха иара инижьит Аԥсны аҭоурых зҳәаша, аԥсуаа ҳаԥсыуаауп ҳәа ҳӡырзгаша аҩымҭақәа. Аҭҵаарадырраҟынгьы еиуеиԥшым азнеишьақәа ыҟоуп, Валикәа Ԥачлиа изнеишьа афундаменталтә ҟазшьа аман, иара ииҩыз агәыҩбара узцәырнагаӡомызт иашоу иашаму ҳәа", -азгәеиҭеит Аҩӡба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Ажәабжьқәа зегьы
0