АҞӘА, мшаԥы 22 - Sputnik. ЕАА Ҭырқәтәыла адырра анаҭеит ажәылаҩ-ҳаирплан F-35 ҭзыжьуа атәылақәа рсиа ишалнахыз азы. Мзызны ианарбеит Ҭырқәтәыла урыстәылатәи С-400 аахәара мап ахьацәнамкыз ҳәа аҩуеит амаҵзура Пентагон аҿтәи ахыҵхырҭа шьаҭас иганы.
Аицмеморандум рнапы аҵаҩын Еиду аштатқәа, Ҭырқәтәыла, Британиа ду, Италиа, Нидерланды, Австралиа, Даниа, Канада, Норвегиа.
Ҭырқәтәыла хыдҵаны иагеит аҳаирпланқәа F-35 100-цырак раахәара, иагьалахәхеит аҳаирпланхәҭақәа зықьхкы иара аҵакыраҿы рҭыжьра.
Ҭырқәтәыла ааглыхреи атехнологиақәеи рминистр Мусҭафа Варанк уаанӡа РИА Новости иазеиҭеиҳәахьан ЕАА Ҭырқәтәыла апроект ишалнагазгьы арҭ ахәҭақәа шыҭнажьуа.
С-400 Ҭырқәтәылаҟа анашьҭразы аиқәшаҳаҭра анапы аҵаҩын 2017 шықәса рзы. Уахь рнагара иалагеит 2019 шықәса рзы. Аилаӡара ахәԥса иартәоит 2,5 миллиард доллар.
2019 шықәсазы С-400 аахәара иахырҟьаны Ҭырқәтәылеи Америкеи еиванагалеит. Вашингтон аилаӡара мап ацәктәуп, уи ацынхәрас америкатәи аҳаирпланқәа F-35 аашәхә ҳәа иқәгылеит, аха Ҭырқәтәыла уи мап ацәнакит.
