АҞӘА, лаҵара 4 - Sputnik. Атәыла Ахада Аслан Бжьаниа Аԥсны Афырхаҵа, аинрал-леитенант, Ахьӡ-аԥша I аҩаӡара занашьоу Сергеи Дбар имшира аҽны ибаҟа амҵан ашәҭшьҭаҵара ацеремониа далахәын.
1992-1993 шықәсқәа рызтәи Аԥсны жәлар Рџьынџьтәылатә еибашьраан Гәымсҭатәи ахырӷәӷәарҭа акомандаҟаҵаҩыс иҟаз, Аԥсны Афырхаҵа, аинрал-леитенант Сергеи Дбар диит лаҵарамза 2, 1946 шықәсазы Мгәыӡырхәа ақыҭан. Лаҵара 4 аҽны Аԥсны имҩаԥысуеит ар рԥыза игәалашәара иазку аусмҩаԥгатәқәа.
Сергеи Дбар ибаҟа амҵан ашәҭқәа шьҭарҵеит иара убас Ахада ихаҭыԥуаҩ Бадра Гунба, ахада Иусбарҭа анапхгаҩы Алхас Кәыҵниа, аԥыза-министр актәи ихаҭыԥуаҩ Беслан Џьапуа, Аԥсны Жәлар Реизара адепутатцәа, Аиҳабыра алахәцәа, ауаажәларра ахаҭарнакцәа, ақалақьқәеи араионқәеи реиҳабцәа.
Иара убас шәаԥхьар ҟалоит:
- Шьынқәба Сергеи Дбар изы: дуаҩ татан, аха ианаҭахыз, дааузымдыруа дыџьбаран
