Микрофон  - Sputnik Аҧсны, 1920
Арадио

Ҳазлацәажәаша ҳамоуп: Аршбеи Ашәԥҳаи ConIFA-2021 ахьахыгоу иазкны

© SputnikМикрофон
Микрофон  - Sputnik Аҧсны, 1920, 07.05.2021
Анапаҵаҩра
Yandex newsTelegram
Аԥсны амилаҭтә олимпиатә еилакы ахантәаҩы Валери Аршба арадио Sputnik аефир аҿы ConIFA-2021 ахыгара ахҳәаа азыҟаиҵеит, насгьы Франциа ачамазаразы иҟоу аҭагылазаашьа атәы еиҭалҳәеит уаҟа инхо ҳџьынџьуаҩ Алина Ашәԥҳа.

Ашьапылампыл азы Европа ачемпионат ConIFA-2021 Франциатәи ақалақь Ницца имҩаԥысраны иҟан, аха Франциа аепидемиологиатә ҭагылазаашьа ахьыуадаҩу иахҟьаны атурнир мҩаԥысӡом. ConIFA Европатәи аилак атурнир арыцхә ҿыц шьақәнаргылоит, аха 2021 шықәса нанҳәамза анаҩс. Уаанӡа Аилак Европа аковидтә ҭагылазаашьа иацклаԥшлоит.

Ҳазлацәажәаша ҳамоуп: Аршбеи Ашәԥҳаи ConIFA-2021 ахьахыгоу иазкны

"Иахьа аҭагылазаашьа иаҳа еиӷьуп. Ачымазаҩцәа рхыԥхьаӡара иаҳа еиҵахеит, мызкы аԥхьа 600-700-ҩык наргозҭгьы, иахьа 300-ҩык роуп инеиуа. Аԥкрақәа ракәзар, ашколқәа аус руеит, аха асааҭ 19:00 нахыс адәылҵра азин ҳамаӡам. Маи 19 рзы иаадыртуеит ақьафурҭақәа, атеатрқәа, амузеиқәа, аха асааҭ 21:00 нахыс дара рҭаара азин ыҟам. Абас хәыҷы-хәыҷла рашәара 30 нахыс аԥсҭазаара COVID-19 аанӡа иҟаз ахь ҳгьежьып ҳәа ҳгәыӷуеит", - ҳәа еиҭалҳәеит Ашәԥҳа.

Аԥсны амилаҭтә олимпиатә еилакы ахантәаҩы Валери Аршба иҳәеит, аспорт иалнаршо шырацәоу атәыла ахьӡ аларҵәаразы.

"Аҳынҭқаррақәа зегьы рыхьӡ ҭызго акультуреи аспорти роуп. Аԥсны акәзар, исгәалашоит, Лондон ҳаннеи, аԥсуа диаспора уа иҟаз маҷыз џьысшьон, аха аҳаирбаӷәазаҿы дара аԥсуа бираҟқәа кны иаҳԥылеит, анаҩс Лондон ҳалаланы, абираҟқәа кны, автобусқәа рыла ҳҭыԥ аҿы ҳнеит. Аԥхьатәи ахәмарраан ҳдиаспора иаздырхеит абуклетқәа, Аԥсны закә тәылоу атәы зҳәо, уи анаҩс ирыладырҵәеит ахәмаррахь иааиз зегьы. Абасалагьы ҳтәыла аӡбахә дырдырын", - ҳәа игәалаиршәеит Аршба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

Ажәабжьқәа зегьы
0