"Аиҿкаарацыԥхьаӡа ашәҟәы рзаарышьҭит Асовет Еидгыла Акомпартиа ацентртә комитет иаднакылаз ақәҵара арыжәтәхҭакра аҿагыларазы. Аиҿкаарацыԥхьаӡа аус зуаз иҳаӡбар акәын уи аус азы иҟаҳҵоз. Ҳара ҳусураҟны аԥхьа алаф еибаҳҳәеит, аха иабатәи лафу, сара арыжәтәхҭакра иаҿагыло акомиссиа ахантәаҩыс салырхит аҩқәа ахьҭҳажьуаз ҳаиҿкаараҟны. Иаҳҳәап, акондитертә фабрика азларақәа ҭнажьуан, ачазауадқәагьы раалыҵ, урҭ ртәы мариан, ҳара арыжәтәџьабара акәын иҭҳажьуаз, убри аҟынтә аԥхасҭа ду ҳауит. Акониак, ауаҭка, иаҳа иџьбараз аҩы рҭыжьра иаразнак азин ҳарымҭеит. Аекономика ашьақәыргылараҟны Аԥсны зегь раԥхьа ҳашгылаз иаразнак икаҳаит ҳарбагақәа, даара иаҳзыцәгьахеит. Аус зуаз ауаа рхыԥхьаӡара иагҳархеит. Акыр ҳазхәыцын ҳусура ахырхарҭа аиҭакра ҳаӡбеит, программас ишьҭаҳхит ажьырӡы, ақалмышь нас аџьынџьыхә рҭыжьра. Ҩымз рыла еиҿаҳкааит аус", - иҳәеит Аҩӡба.
Иара убасгьы еиҭеиҳәеит Асовет Еидгыла Акомпартиа аилак хада амаӡаныҟәгаҩ Егор Лигачев Афон ҿыц ақалақь астатус аҭатәуп ҳәа аус дшадгылаз.
Иаҳа инеиҵыхны аиҿцәажәара шәаҳар шәылшоит аудиофаил аҟны.
