Қьамал Арӡынба дызшьыз ацәгьоуҩы иаанкыларазы аплан рыларҳәеит

© Sputnik / Томас ТхайцукСтоп контроль ГАИ
Стоп контроль ГАИ  - Sputnik Аҧсны, 1920, 18.05.2021
Анапаҵаҩра
Yandex newsTelegram
Аԥсны аҩнуҵҟатәи аусқәа рминистрра апресс-маҵзура адыррақәа рыла, Аҟәа агәаны ахысра ҟалеит ҳәа аҷаԥшьаратә хәҭахьы адырра ҟалеит асааҭ 17:40 аҩаша лаҵара 18 рзы.

АҞӘА, лаҵара 18 - Sputnik. Қьамал Арӡынба дызшьыз ацәгьоуҩы иаанкыларазы аплан рылаҳәоуп ҳәа аанацҳауеит Аԥсны Аҩнуҵҟатәи аусқәа рминистрра апресс-маҵзура.

Иазгәаҭоуп, Аҟәа уахьалҵуа аҭыԥқәа зегьы шыркыз, иара убас амҩа-патрультә маҵзура апостқәа "Маҷара", "Приморсктәи", "Бамбора" шырӷәӷәоу аҩнуҵҟатәи аусқәа рыҟәша аоперативтә еилазаара амч ала.

Милиция мигалка - Sputnik Аҧсны, 1920, 18.05.2021
Аҟәа дыршьит Қьамал Арӡынба

Аԥсны Аҩнуҵҟатәи аусқәа рминистр Дмитри Дбар идҵала аусбарҭа аппарат хада, Аҟәа ақалақьи араионқәеи рыҩнуҵҟатәи аусқәа рыҟәшақәа "ашәарҭара ҳаракы" акоманда рылаҳәоуп.

ААР апресс-маҵзура излаанацҳауа ала, Аҟәа агәаны ахысра ҟалеит ҳәа аҷаԥшьаратә хәҭахьы адырра ҟалеит асааҭ 17:40 аҩаша лаҵара 18 рзы. Ишьақәыргылоуп иҟалаз ахысра иахҟьаны ахәрақәа шиоуз Қьамал Арӡынба. Иара Ареспубликатә хәышәтәырҭахь днаган, аха иоуз ахәрақәа изхымгакәа иԥсҭазаара далҵит.

Аҭыԥ аҟны аус руеит Аԥсны ААР ашьаусԥшаара-оперативтә гәыԥи аексперт-криминалисттә центр аспециалистцәеи. Имҩаԥыргоит ари ацәгьоура иалаҟьашьу ахаҿқәа рыԥшааразы ауснагӡатәқәа.

Ажәабжьқәа зегьы
0