Хабиб Нурмагомедов ахәыҷқәа рыхьчара Амш азы Аҟәа аҟазаратә-класс мҩаԥигоит

© Sputnik / Виталий Тимкив / Амедиаҵәахырҭахь аиасраП/к бойца ММА Х. Нурмагомедова
П/к бойца ММА Х. Нурмагомедова - Sputnik Аҧсны, 1920, 27.05.2021
Анапаҵаҩра
НовостиTelegram
Ауснагӡатә аҟны имҩаԥгахоит амилаҭтә платформа "Аԥсны аԥеиԥш" ахацыркра, уи иахықәкуп уаҵәтәи аԥеиԥш азы ареспублика аҿар адгылара рыҭара.

АҞӘА, лаҵара 27 - Sputnik. Аҟәа рашәара 1 азы UFC ачемпион Хабиб Нурмагомедов аҟазаратә-класс мҩаԥигоит ҳәа Sputnik иазеиҭеиҳәеит Аԥсны таитәи абокс азы Афедерациа ахада, аклуб "Георги Победоносец" ашьаҭаркҩы Ҭеимураз Гьергьедаа.

"Нурмагомедов аспортсменцәа ҿарацәа рызҵаарақәа рҭак ҟаиҵоит, аклуб "Георги Победоносец" аҵаҩцәа рықәгылара мҩаԥысуеит, иқәгылоит Аԥсни Урыстәылеи рҿар раԥхьагылаҩцәа", - ҳәа иҳәоит Гьергьедаа.

Ауснагӡатә мҩаԥгахоит ахәыҷқәа рыхьчара Амш азы астадион "Динамо" аҿы, асааҭ 19:00 рзы.

Гьергьедаа иҳәеит арбаратә қәгыларақәа рҳәаа иҭагӡаны ҩ-қәгыларак мҩаԥгахоит еилаԥсоу ақәԥаралеи ҩ-қәгыларак таитәи абокс алеи ҳәа.

Руак аҟны амаҟаиуразы дықәгылоит Давид Амҷба.

Хабиб Нурмагомедов Аԥсны аҟазаратә-класс шымҩаԥиго атәы еилкаахеит жәабранмзазы, Аԥсны агәыҳалалра ацҳаражәҳәаҩцәа реиҿкаара аԥҵаҩы Инал Арӡынбеи иареи реиԥылара ашьҭахь.

Ажәабжьқәа зегьы
0