Аԥсны иазгәаҭоуп "британиатәи аштамм" ахҭысқәа фба

© Sputnik / Михаил Воскресенский / Амедиаҵәахырҭахь аиасраМедико-генетический научный центр
Медико-генетический научный центр  - Sputnik Аҧсны, 1920, 28.05.2021
Анапаҵаҩра
НовостиTelegram
Аԥыза-министр Александр Анқәаб лаҵара 28 азы аусутә еилацәажәара мҩаԥигеит коронавирустә инфекциаҟынтә алаҵаҟаҵара иазкны.

АҞӘА, лаҵара 28 – Sputnik. Аԥсны ашәҟәы иҭагалоуп "британиатәи аштамм" ахҭысқәа фба. Абри атәы амедусзуҩцәа Аԥсны аԥыза-министр Александр Анқәаб изеиҭарҳәеит лаҵара 28 азы аусутә еилацәажәараҿ ҳәа аанацҳауеит Аминистрцәа реилазаара асаит.

"Амедусзуҩцәа Аԥсны аԥыза-министр Александр Анқәаб изеиҭарҳәеит Аԥсны ашәҟәы ишҭагалоу акоронавирус SARS-CoV-2 "британиатәи аштамм" ахҭысқәа фба. Абиоматериал анализ азун Роспотребнадзор иатәу Ставропольтәи амырзаҿагыларатә институт аҟны ", - аҳәоит адырраҭараҿы.

Акоронавирустә инфекциаҟынтәи алаҵа "Спутник V" Аԥсны ауаа ирыларҵо иалагеит лаҵара 12 рзы. 6 500 доза алаҵа "Спутник V" Аԥсныҟа иааргеит мшаԥы 30 рзы. Лаҵара 28 азтәи адыррақәа рыла алаҵа ҟарҵахьеит 976-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15274-ҩык ыҟоуп, ргәы бзиахеит 14528-ҩык, рыԥсҭазаара иалҵит 230-ҩык.

Ажәабжьқәа зегьы
0