АҞӘА, рашәара 7 - Sputnik. Пицунда ақалақь ахада инапынҵақәа рынагӡаҩыс даҭоуп Руслан Хәынҵариа, абри азы аусԥҟа инапы аҵаиҩит атәыла ахада Аслан Бжьаниа.
Хәынҵариа диԥсахит Алхас Шамба, 2019 шықәса ԥхынҷкәынмзаахыс ақалақь ахада инапынҵақәа назыгӡоз.
Руслан Хәынҵариа диит лаҵара 23 1989 шықәса рзы Гагра араион Лӡаа ақыҭан. 2005 шықәсазы М.Д. Гочуа ихьӡ зху Лӡаа ақыҭантәи абжьаратә школ №1. 2005 шықәсазы дҭалеит Шәачатәи Абжьаратә профессионалтә ҵара иатәу Аҵаҩцәа рыҭҵаарадырратә еилазаара "Академиатә коллеџь" азанааҭ "Азини асоциалтә еиқәыршәара аиҿкаареи", далгеит 2008 шықәсазы.
2013 шықәсазы дҭалеит Москва Г.В. Плеханов Урыстәылатәи аекономикатә университет азанааҭ "Азини асоциалтә еиқәыршәара аиҿкаареи" ала, уи далгеит 2016 шықәсазы. 2015 шықәса хәажәкыра 2 инаркны - Лӡаа ақыҭа ахада ихаҭыԥуаҩ, 2017 шықәса лаҵарамза 31 раахыс - Лӡаа ақыҭа ахада.
