Захарова Урыстәылеи НАТОи еилацәажәаразы иаҭаху лҳәеит

© Sputnik / Пресс-служба МИД РФ / Амедиаҵәахырҭахь аиасраБрифинг официального представителя МИД России М. Захаровой
Брифинг официального представителя МИД России М. Захаровой - Sputnik Аҧсны, 1920, 07.06.2021
Анапаҵаҩра
НАТО амаӡаныҟәгаҩ хада Иенс Столтенберг уаанӡа ажәалагала ҟаиҵахьан Ахеилак Урыстәыла - НАТО аҟны реимадарақәа дырҿыцырц, инаҵшьынгьы иазгәеиҭеит реиԥыларақәа шықәсыки бжаки раахыс ишымҩаԥырымгац.

АҞӘА, рашәара 7 - Sputnik. Урыстәыла Адәныҟатәи аусқәа рминистрра аофициалтә хаҭарнак Мариа Захарова Telegram-канал аҿы илҩит Москва НАТОи иареи рдиалог ишацәхьамҵуа, аха урҭ аилацәажәарақәа апрофессионалцәа радԥхьалара шаҭаху азгәалҭеит. 

"Арратә експертцәа адымԥхьалакәа арҭ атемақәа рылацәажәара ҵакы амам", - ҳәа лҳәеит Захарова, алианс амаӡаныҟәгаҩ хада Иенс Столтенберг Ахеилак Урыстәыла - НАТО аҟны Москвеи алианси реимадарақәа рырҿыцра аҭахуп ҳәа иҟаиҵаз аҳәамҭа ахҳәаа аҭо.

Иара иажәақәа рыла, Урыстәыла аиҳабыра дара иаадырԥшыз аԥшьгамҭа хырҩа арҭеит, "ҳаиԥыларақәа шықәсыки бжаки раахыс имҩаԥаамгацт", иҳәеит иара.

Столтенберг иара убас иажәа иацҵо иҳәеит "ампыл уажәы Москва анапаҿы ишыҟоу", Захарова лакәзар, "рымба ашҭахь идырхынҳәырц" рабжьылгеит.

Уаанӡа Урыстәыла ААР ахада Сергеи Лавров аҳәамҭа ҟаиҵахьан Урыстәыла ари аҩыза ашьаҿа ҟанаҵар шалшо, аха раԥхьатәи аимадарақәа аруаа ирыбжьарҵар шакәу азгәеиҭеит. Иара иажәақәа рыла, дара роуп "адгьыл аҿы" иҟаҵәҟьоу аҭагылазаашьа зеиԥшоу еиӷьны издыруа. Иара убасгьы иара иргәалаиршәеит НАТО аиқәшаҳаҭрақәа шеиланаго, ааигәа алианс иалалаз атәылақәа рҿы "арратә мчра дуқәа" шнанаго.

Ахеилак Урыстәыла - НАТО 2002 шықәса раахыс русеицура иахьалацәажәо форум хаданы иҟоуп. Украина иҟалаз акризис ашьҭахь ари аинститут, иааидкыланы аҩганк кыршықәсатәи рпартниоррагьы убрахь иналаҵаны, аамҭала актуалра ацәыӡит, аха убри аан арра-политикатә еимадарақәа еиуеиԥшым аҩаӡарақәа рҟны аамҭа-аамҭала идырҿыцлон. 

Ажәабжьқәа зегьы
0