Тҟәарчалтәи ахәышәтәырҭа ақәлараз аӡбарҭа азыӡба аԥыхуп

CC0 / / Судебный молоток
Судебный молоток  - Sputnik Аҧсны, 1920, 08.06.2021
Анапаҵаҩра
2018 шықәса ԥхынҷкәынмзазы Тҟәарчал араионтә хәышәтәырҭа аҩналарҭаҿ абџьар ахархәарала ацәгьоуцәа миллионки 383 690 нызқьмааҭ рӷьычит.

АҞӘА, рашәара 8 - Sputnik. Аԥсны Иреиҳаӡоу аӡбарҭа Апрезидиум 2018 шықәса цәыббра 3 азы Тҟәарчалтәи араионтә ӡбарҭа Рамини Аслани Миквабиаа, Мизан Гогәуа, Аинар Сар-оӷлы рганахь ала азыӡба иаднакылаз аԥнахит. Абри атәы аанацҳауеит Апрокуратура хада асаит.

Рамини Аслани Миквабиаа, Мизан Гогәуа, Аинар Сар-оӷлы ахара рыдҵан Тҟәарчал араионтә хәышәтәырҭа аԥара мҩанызгоз аусзуҩцәа ирықәлан идырҳәит ҳәа.

2018 шықәса ԥхынҷкәынмзазы арҭ ауаа, бџьарла еиқәныхны, заанаҵы еицәажәаны автомашьына ВАЗ ала Ацхыраара ласы амҩа иаԥырагылеит. Амашьына аԥсҟы икын Харчлаа Д.А., пассаџьырны иҟан ахәышәтәырҭа аҳасабеилыргаҩ хада Аргәын Е.Д, аҳасабеилыргаҩ Ҭаниа И.Н. Дара Аҵәахырҭатә банк Тҟәарчалтәи афилиал аҟынтәи аԥара мҩаԥыргон.

Тҟәарчал араионтә хәышәтәырҭа аҩналарҭаҿ абџьар ахархәарала ацәгьоуцәа миллионки 383 690 нызқьмааҭ ргеит, аҭыԥ аҟынтәи ибналеит.

Ашьаус аиҭахәаԥшрахь инашьҭуп.

Ажәабжьқәа зегьы
0