Микрофон  - Sputnik Аҧсны, 1920
Арадио

Бганба ҳџьынџьуаа рырхынҳәразы: Аԥсны иҟоу рынхашьа ҳарбзиар, уи иреиҳау ӡыргарахоит

© Foto / предоставлено Альбертом Бганба Альберт Бганба
Альберт Бганба  - Sputnik Аҧсны, 1920, 10.06.2021
Анапаҵаҩра
Гәылрыԥшь араион ахада арепатриациа азҵаарақәа рзы ицхырааҩ Альпер Бганба арадио Sputnik аефир аҿы еиҭеиҳәеит аҳәаанырцәынтәи иааз ҳџьынџьуаааи аҭыԥантәи ауааԥсыреи реиларҵәаразы мҩақәас иибо ртәы.
Бганба ҳџьынџьуаа рырхынҳәразы: Аԥсны иҟоу рынхашьа ҳарбзиара, уи иреиҳау пропагандахоит

"Гәылрыԥшь араион аҿы аҳәаанырцәынтәи иааз ҳашьцәа 300 ҭӡы рҟынӡа ҳнеихьеит. Акыр шықәсқәа ара инхоит, аха аԥсшәа цқьаны изҳәо ҳәа уамак ирацәаӡам. Аиларҵәара азҵаара ишаҳҭахыз еиԥш изыҟамлеит, убри азы даргьы ҳаргьы ҳаилацәажәан программақәак аԥаҳҵарц азыӡбоуп. Ахәыҷқәа рзы хазы, адуцәа рзы хазы. Аҳәаанырцәынтәи иаази ара аҭыԥан инхои злоу еилаҵаны еиқәҳаршәар ҳҭахуп", - еиҭеиҳәеит Бганба.

Бганба иҳәеит, ҳџьынџьуаа рхатә ԥсадгьыл ахь рырхынҳәаразы азҵаараҿы зегь реиҳа ихаданы ииԥхьаӡо.

"Уаанӡа Аԥсны ахьыҟоу ахсаалаҿы издыруа уамак ирацәаӡамызт, аха уажәы аамҭа убас иҟалеит, Ҭырқәтәыла џьарак еизарак аҿы аӡәы сара макьана Аԥсны сымбаӡацт иҳәар, уамашәа ирбоит. Аԥсны инхо рынхашьа хәыҷык еиӷьны иҟаҳҵар, зегь иреиҳау пропагандахоит ҳџьынџьуаа рзы", - ҳәа еиҭеиҳәеит Бганба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

Ажәабжьқәа зегьы
0