Аҟәа аԥшаҳәаҿы иқәыргылоуп Архип Лабахәуа иусумҭа ҿыц

© Sputnik / Томас ТхайцукСкульптура Архипа Лабахуа
Скульптура Архипа Лабахуа  - Sputnik Аҧсны, 1920, 11.06.2021
Анапаҵаҩра
Аурыс поет, апрозаик Осип Мандельштам 1930-тәи ашықәсқәа раан Аԥсныҟа даахьан. Иара иҩымҭоуп аочерк "Аҟәа", ашәҟәы "Ермантәылаҟа аныҟәара" иагәылылаз.

АҞӘА, рашәара 11 – Sputnik, Асмаҭ Ҵәыџьԥҳа. Осип Мандельштам изку Архип Лабахәуа искульптура "Ахаҳә" Амҳаџьырқәа рыԥшаҳәаҿы иқәдыргылеит рашәара 10 азы.

Ахаҳә иануп апоет раԥхьатәи иеизгаҟынтәи ацәаҳәақәа: "Который час, его спросили здесь, а он ответил любопытным: вечность!". Ара иҟоуп егьырҭ Архип иусумҭақәагьы – Чики Никеи.

© Sputnik / Томас ТхайцукАхаҳә иану Осип Мандельштам раԥхьатәи иеизгаҟынтәи ацәаҳәақәа
Аҟәа аԥшаҳәаҿы иқәыргылоуп Архип Лабахәуа иусумҭа ҿыц - Sputnik Аҧсны, 1920, 11.06.2021
Ахаҳә иану Осип Мандельштам раԥхьатәи иеизгаҟынтәи ацәаҳәақәа

Лабахәуа иажәақәа рыла, шықәсқәак раԥхьа иара ари аҩыза аскульптура ықәиргылахьан, аха мышкы ада иаанымхеит.

"Аамҭа анца ари ас иныжьтәым ҳәа сгәы иаанагеит. Иуадаҩу иахьатәи ҳаԥсҭазаара акала еиласыӡҩар сҭаххеит. Ақалақь ахада сизнеит. Иаразнакы адгылара сиҭеит", - ҳәа еиҭеиҳәоит иара.

© Sputnik / Томас ТхайцукАскульптор Архип Лабахәуа
Аҟәа аԥшаҳәаҿы иқәыргылоуп Архип Лабахәуа иусумҭа ҿыц - Sputnik Аҧсны, 1920, 11.06.2021
Аскульптор Архип Лабахәуа

Ахаҳә акәтаӷьԥшра амоуп. Уигьы ахатә еилыркаара амоуп.

"Иумԥыхьашәалак ахаҳә узадгаломызт. Акәтаӷь аформа – аҿыцра, амаӡара, аидеиа иархетипуп. Аҽа хаҳәк аасҭа аенергиа амоуп. Ахьанҭара акәым иаанарԥшуа, аласроуп. Сгәыӷуеит уажәазы аскульптура аанхап ҳәа", - иҳәоит автор.

© Sputnik / Томас ТхайцукАкәтаӷь аформа змоу Архип Лабахәуа Аҟәа аԥшаҳәаҿы иқәиргылаз ахаҳә
Аҟәа аԥшаҳәаҿы иқәыргылоуп Архип Лабахәуа иусумҭа ҿыц - Sputnik Аҧсны, 1920, 11.06.2021
Акәтаӷь аформа змоу Архип Лабахәуа Аҟәа аԥшаҳәаҿы иқәиргылаз ахаҳә

Архип Лабахәуа искульптурақәа иара убасгьы иара ақәыргылара амш изазымԥшуаз иҩыза Енвер изикит. Ахаҳә аҿы нбан-ссала ихьӡгьы ануп.

Ажәабжьқәа зегьы
0