Аспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит

© SputnikАбхазский драмтеатр
Абхазский драмтеатр - Sputnik Аҧсны, 1920, 13.06.2021
Анапаҵаҩра
НовостиTelegram
Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку").

АҞӘА, рашәара 12 – Sputnik, Бадраҟ Аҩӡба. Аспектакль "Акыр иаԥсоу Памела" аԥхьарбара мҩаԥысраны иҟоуп Самсон Ҷанба ихьӡ зху Аԥсуа ҳәынҭқарратә драматә театр аҿы рашәара 15, 16 рзы ҳәа Sputnik иазеиҭалҳәеит атеатр аиҳабы ихаҭыԥуаҩ Шьарида Ҭыжәԥҳа. 

"Аспектакль аус адулара цоит ԥхынҷкәынмза аахыижьҭеи, аха еиуеиԥшым амзызқәа ирыхҟьаны, акоронавирус азы апандемиагьы налаҵаны, аҽазыҟаҵарақәа аамҭа акыр рыбжьаҵаны имҩаԥаагон. Апиеса атеатр арепертуар иалаҳҵеит ҷыдала ҳактрисацәа руаӡәк - Аԥсны Жәлар рартистка Виолетта Маан лзы. Лара лоуп Памела лрольгьы назыгӡо", - лҳәеит Ҭыжәԥҳа. 

© Foto / Щарида ТужбаАспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
Аспектакль Акыр иаԥсоу Памела аԥхьарбара Аԥсуа драмтеатр аҿы иҟалоит - Sputnik Аҧсны
1/3
Аспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
© Foto / Щарида ТужбаАспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
Аспектакль Акыр иаԥсоу Памела аԥхьарбара Аԥсуа драмтеатр аҿы иҟалоит - Sputnik Аҧсны
2/3
Аспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
© Foto / Щарида ТужбаСпектакл "Дорогая Памела" состоится в Абхазском драмтеатре
Спектакл Дорогая Памела состоится в Абхазском драмтеатре  - Sputnik Аҧсны
3/3
Спектакл "Дорогая Памела" состоится в Абхазском драмтеатре
1/3
Аспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
2/3
Аспектакль "Акыр иаԥсоу Памела" аԥхьарбара Аԥсуа драмтеатр аҿы иҟалоит
3/3
Спектакл "Дорогая Памела" состоится в Абхазском драмтеатре

"Акыр иаԥсоу Памела" режиссиорс дамоуп Урыстәыла Зҽаԥсазтәыз артист, Аԥсны Зҽаԥсазтәыз акультура аусзуҩ, Адрамтеатр арежиссиор Адгәыр Ақаҩба. Аспектакль аҿы ихәмаруеит Аԥсуа театр актиорцәа рабиԥарақәа хԥа: Виолетта Маан, Маиа Џьыкырба, Лаврик Ахба, Адгәыр Малиа, Гарри Аџьынџьал, Лана Џьапуаԥҳа, Гәдиса Ҭодуа.

"Атрагикомедиа "Акыр иаԥсоу Памела" аперсонажцәа иахьатәи ақалақь ду аҿы инхо арыцҳацәа, акгьы зқәым роуп. Дара рылахь разҟы ҳәа ак анымызт, мазара ҳәа аӡәгьы акгьы рзынимыжьит, ирықәҿиом, бзиа избо ҳәа аӡәгьы дрымам. Урҭ рахьтә шьоукы ргәаҵәа жәпахеит, аӡәы акы абеицәаагари ҳәа ихәыцуеит, даҽа џьоукых - ирылаз ақьиареи агәызианреи еиқәдырхеит", - абас иааидкыланы иҟоуп асиужет. 

Посмотреть эту публикацию в Instagram

Публикация от Абхазгосдрамтеатр (@apsuatheatre)

Аспектакль шьаҭас иамоуп америкатәи адраматург, асценарист Џьон Патрик ипиеса "Аҭакәажә дышԥақәаагари" ("Как бы нам пришить старушку"). Ари аҩымҭаҿы рыӡбахә аҳәоит хҩык амцҳәаҩцәа рҭоурых, Памела Кронки захьӡу аҭакәажә данԥслак ашьҭахь илымоу амазаразы аԥгаԥса дара иртәыртәырц рҭахуп. Аха афырхаҵа хада лгәы рызԥжәаӡом ацәгьахәыццәа, лара урҭ зегь раналыжьуеит, агәра длыргоит аԥсҭазаараҿы аԥара раԥхьа ишыргылатәым.

Аспектакль мҩаԥысуеит рашәара 15, 16 рзы, иалагоит асааҭ 19:00 рзы.

Ажәабжьқәа зегьы
0